Thursday, October 04, 2007

MAD FUNNY

i know its old ....but still so funny

Thursday, June 28, 2007

احمد فؤاد نجم

Wednesday, June 27, 2007

الظل والصليب



هذا زمان السأم
نفخ الأراكيل سأم
دبيب فخذ امرأة ما بين أليتيّ رجل ..
سأم
لا عمق للألم
لأنه كالزيت فوق صفحة السأم
لا طعم للندم
لأنه لا يحملون الوزر إلا لحظة ..
… ويهبط السأم
يغسلهم من رأسهم إلى القدم
طهارة بيضاء تنبت القبور في مغاور الندم
نفن فيها جثث الأفكار و الأحزان ، من ترابها ..
يقوم هيكل الإنسان
إنسان هذا العصر و الأوان
(أنا رجعت من بحار الفكر دون فكر
قابلني الفكر ، ولكني رجعت دون فكر
أنا رجعت من بحار الموت دون موت
حين أتاني الموت، لم يجد لديّ ما يميته،
وعدت دون موت ..
أنا الذي أحيا بلا آماد
أنا الذي أحيا بلا ظل .. ولا صليب
الظل لص يسرق السعادة
ومن يعش بظله يمشي إلى الصليب، في نهاية الطريق
يصلبه حزنه، تسمل عيناه بلا بريق
يا شجر الصفصاف : إن ألف غصن من غصونك الكثيفه
تنبت في الصحراء لو سكبت دمعتين
تصلبني يا شجر الصفصاف لو فكرت
تصلبني يا شجر الصفصاف لو ذكرت
تصلبني يا شجر الصفصاف لو حملت ظلي فوق كتفي، وانطلقت
و انكسرت
أو انتصرت
إنسان هذا العصر سيد الحياه
لأنه يعيشها سأم
يزني بها سأم
يموتها سأم


قلتم لي :
لا تدسس أنفك فيما يعني جارك
لكني أسألكم أن تعطوني أنفي
وجهي في مرآتي مجدوع الأنف



ملاحنا ينتف شعر الذقن في جنون ..
(ينشده أبناءه و أهله الأدنين، و الوسادة التي لوى عليها فخذ زوجه، أولدها محمداً وأحمداً وسيدا
وخضرة البكر التي لم يفترع حجابها انس ولا شيطان)
.. للفقراء التاعسين من صعاليك الزمان
ملاحنا يلوي أصابعاً خطاطيف على المجداف و السكان
ملاحنا هوى إلى قاع السفين ، واستكان
وجاش بالبكا بلا دمع .. بلا لسان
ملاحنا مات قبيل الموت، حين ودع الأصحاب
والأحباب و الزمان و المكان
عادت إلى قمقمها حياته، وانكمشت أعضاؤه، ومال
ومد جسمه على خط الزوال
يا شيخنا الملاح ..
.. قلبك الجريء كان ثابتاً فما له استطير
أشار بالأصابع الملوية الأعناق نحو المشرق البعيد
ثم قال :
- هذي جبال الملح و القصدير
فكل مركب تجيئها تدور
تحطمها الصخور
وانكبتا .. ندنو من المحظور، لن يفلتنا المحظور
- هذي إذن جبال الملح و القصدير
وافرحا .. نعيش في مشارف المحظور
نموت بعد أن نذوق لحظة الرعب المرير و التوقع المرير
وبعد آلاف الليالي من زماننا الضرير
مضت ثقيلات الخطى على عصا التدبر البصير
ملاحنا أسلم سؤر الروح قبل أن نلامس الجبل
وطار قلبه من الوجل
كان سليم الجسم دون جرح، دون خدش، دون دم
حين هوت جبالنا بجسمه الضئيل نحو القاع
ولم يعش لينتصر
ولم يعش لينهزم
ملاح هذا العصر سيد البحار
لأنه يعيش دون أن يريق نقطة من دم
لأنه يموت قبل أن يصارع التيار


هذا زمن الحق الضائع

لايعرف فيه مقتول من قاتله ومتي قتله

ورؤوس الناس علي جثث الحيوانات

ورؤوس الحيوانات علي جثث الناس

فتحسس رأسك!

فتحسس رأسك!


صلاح عبد الصبور (اقول لكم) بتصرف


Monday, December 04, 2006

صباح النووي والتجلي والانتاج المحلي


فور سماعي بخبر عزم مصر علي الدخول الي قائمة الدول النووية برز وجه سيادة الرئيس علي الفور في مخيلتي فسيادة الرئيس دائما هو رجل الساعة... الساعة الرولكس الذي يلبسها سيادته في يده الشمال... المنهوبة بالطبع من اموال الشعب.... فهذه الفكرة الجهنمية النووية بالطبع هي من افكار سيادته التي هي نتاج الزهايمر والعياذ بالله ورغبه سيادته المحمومة في التكويش علي الملايين والبلايين والعالمين ببواطن الامور يعلمون ان الموضوع بدأ كالاتي
سيادة الرئيس: صارخا ...خش ياااا عاطف
معالي رئيس الوزرا:يا فندم عاطف مين ؟انا نظيف
سيادة الرئيس:نظيف ايه ..انت حتتمنظر؟ اسمع يا عاطف انا قررت ان احنا حندخل عصر الطاقة النووية ..واخد بالك يا عاطف دي حاجة علشان ننيم بيها الناس يعني علي الششني كده علشان يغنوا علي النووي في اوبريت اكتوبر ودي حاجة كويسة حتجيب الرزق من معونة و عمولة وسمسرة وخلافة واخد بالك..لازم الاول اكلم الامريكان ..حط لي كلينتون علي التليفون
معالي رئيس الوزرا: يا فندم مافيش كلينتون ..ده جورج بوش دلوقتي رئيس امريكا
السيد الرئيس :عارفه ..جورج بوش بتاع السي اي ايه ده حبيبي ..هو رجع رئيس امريكا تاني؟
معالي رئيس الوزرا: لا سيادتك دا ابنه جورج دبليو بوش
سيادة الرئيس: الله هو ابنه كبر وخلص جامعة وبقي رئيس امريكا ..ماشاء الله ..طب سيبك من امريكا دلوقت ..احنا عايزين يا عاطف معونة فنية حط لي شاوشيسكو بتاع رومانيا علي التليفون
معالي رئيس الوزرا: يا فندم شاوشيسكو مات
سيادة الرئيس: مات لا حول الله ...طب حط لي اخونا فهد علي التليفون علشان اطلب منه قرض بدون فوايد
معالي رئيس الوزرا: يا فندم الملك فهد مات
السيد الرئيس: مات لاحول الله ...طب حط لي رابين علي التليفون علشان اطمنه وان الموضوع كله في الهجايس
معالي رئيس الوزرا: يا فندم رابين مات
سيادة الرئيس: مات راخر ..تصدق يا عاطف انا مش مستريحلك شكلك كده حتاخد السكة قريب ...طب حط لي عرفات علي التليفون علشان اقوله ان موضوع النووي علشان خاطر القضية والعروبة والكلام البطيخي ده
معالي رئيس الوزرا: سيادتك عرفات مات
السيد الرئيس: الله هما كلهم ماتوا... امال انا بدين ابوكو لسه عايش ازاي؟؟؟؟؟
معالي رئيس الوزرا: ما داحنا اللي مش فاهمينه سيادتك

Sunday, November 12, 2006

واحد بيكلم نفسه


شفت اللي حصل في البلد
خير اللهم اجعله خير
خير ازاي بس.. بيقولك حصل حالات تحرش بالنساء في نص البلد بالقاهرة
ايه يعني ...طب ماطول عمر النساء في بلدنا بيتعرضوا للمهانة ..ايه الجديد؟ يمكن الجديد يكون مكانش حتي في بوليس علشان يلم العيال ولاد الكلب دول
طب ليه تفتكر الحاجات دي بتحصل يا بو سماعين؟
بو سماعين مين؟؟..اقولك ليه يا فالح ....العيب في المجتمع الخرا ده ...ثقافة الجهل والتخلف اللي بتغذي الافعال والافكار الشريرة دي.. شفت الراجل العبيط مفتي استراليا قال ايه وبعد اما اتفضح وبقت فضيحته بجلاجل اعتذر وقال سامحوني مكنش قصدي ..سيادته بيدي الضوء الاخضر علشان حاجات زي التحرش دي تحصل لان المرأة دايما هي الغلطانه في عرفهم ..عايزين يختنوها وبعدين يغطوها ولو فتحت بقها او مارست اي شعور ادامي تبقي غلطانه وتستحق اي نصيبة تحصلها..كانها اي حاجة تانية غير بشرية كانها ملهاش رأي او احساس مجرد اداة يا هيمو
هيمو؟؟؟ صح ياخي هو كان مال اهله ومال المرأة هما بيفكروا كتير ليه في اللي اسمه ايه ده .. طب بقولك ليه الناس اللي عندها تخلف عقلي دي اصواتها مسموعة امال فين الناس التانيه اللي بتفكر بالعقل
فاكر البغبغان الحكيم قال ايه في النكتة المشهورة؟
بغبغان و دكر بط ؟ايه اللي دخل ده في موضوعنا
ياد متبقاش حمار..البغبغان الفليسوف قال.. صحيح اللي يقول الحق في البلد دي يتبعبص...دي حكمة ازلية بتوضح كل اللي بيجري في مصر يا تري فينك يا بغبغان وبتعمل ايه دلوقت
لاحول الله يا رب ...بس انت عامل ايه دلوقتي؟مش احسن برضه

Monday, October 30, 2006

تسهيل الدستور


أعلن الرئيس المصري حسني مبارك خططا لإجراء تعديلات دستورية تسهّل على الأحزاب السياسية المشاركة في الانتخابات الرئاسية ...هذا ما اعلنته البي بي سي العربية بجانب هذه الصورة الغريبة للسيد الرئيس حفظه الله التي توضح ان سيادته يعاني من حالة من الامساك الشديد والمزمن والتي بالطبع كانت لها تأثير علي ما صرح به سيادته..... نتمني لسيادته الشفاء العاجل بأذن الله

Sunday, February 12, 2006

حوس يا حواس

يدمن العبد لله الفرجة علي قنوات التلفزيون الامريكي في وقت الفراغ ويعلنها صراحة انه يتابع فقط القنوات التعليمية الهادفة ذات المغزي ويبتعد كل البعد عن القنوات الاباحية التي تعرض العري والعياذ بالله(نمي الي علمنا ان السيد الوالد اصبح من المتابعين للمدونة بعد ان وشي احدهم بي فكان لابد من هذا التوضيح) لذلك تعتبر قناة التاريخ المتخصصة في عرض البرامج والافلام التسجيلية عن الاحداث التاريخية هي المفضلة لدي وتخص القناة مصر الفرعونية ببرامج كثيرة تشعر بالفخر عندما تري ان الجميع يتحدث عن الحضارة المصرية باعتبارها حضارة العالم ومثال واضح علي التفوق الانساني...اما الشئ الذي يفقع المرارة و ينفخها هو ظهور الاخ زاهي حواس بانجليزته الفيومية التي تفطس من الضحك و قبعته التي تشبه قبعه الصيادين في كل البرامج تقريبا كأن ليس هنالك اي علماء للمصريات غيره في البلد... يبدو والله اعلم ان سيادته يحتكر الاثار لصالحه او ان مبارك اوصاه بان ياخد باله علي الاثار في تكرار لحكاية رشاد عثمان الشهيرة والنبي حد اما يشوفه يقوله علي ان الجامعة الامريكية بتقدم كورسات لتعليم الانجليزيه..والله حاجه تكسف يا اخ حواس

Tuesday, February 07, 2006


الحكومة الخايبة وقواتها المشلحة التي قدمت لنا من قبل نكسة 76 واختها الصغري ثغرة 73 هم مسؤلون مسئولية كاملة عن مذبحة السفينة المنكوبة وكالات الانباء الاجنبية تتحدث علي ان الامريكان والانجليز عرضوا فور وقوع الحادث ارسال سفن لهم كانت في المنطقة للمساعدة في انقاذ الغارقين لكن رفضت مصر السماح لهم اولا ثم عادت بعد ذلك وطلبت المساعدة بعد فوات الاوان وبالفعل قامت طائرة بحرية بريطانية بجهود الانقاذ ...وصلت سفن الانقاذ المصرية لمكان السفينة بعد10ساعات كاملة من غرقها!!!!!!!!!!!!!!!!احد الناجين يتحدث ان الطائرات الهليكوبتر كانت تحوم فقط فوق رؤوس الناس الذين كانوا يصرخون بدون تقديم اي مساعدات انقاذ لهم..... اخر استطاع ان يعوم 3 ساعات حتي عثر علي قارب مطاطي طفي فوقه 18 ساعة كاملة حتي تم العثور عليه والقائمة كثيرة بمأسي توجع القلب... سفينة متهالكة تديرها شركة فاسدة يرتبط اصحابها بالطبع بالنظام الحاكم والا ماكان اعطي لهم التصريح بالخط البحري.. عاما تغرق السفن لاسباب عدة ..عطل فني ..حريق ..سوء احوال جوية..لكن ما حدث بعد ذلك هو قمة المأساة .كما هو واضح ليس هنالك اي خطة للانقاذ وببساطة شديدة تركوا الناس يموتوا ..القوات البحرية التي تظهر فقط في افلام التلفزيون الوهمية ارسلت سفن الانقاذ بعد عشر ساعات كاملة لان عسكري ورق غطت النياشين الفالصو مؤخرته لم يكن لديه الجرأة لايقاظ رئيسه لاخباره بالمصيبة ولا يملك اي مقدرة علي الادارة..تركوا الناس الطيبة صعايدة فلاحين غلابة فقرا جدعان تموت وتغرق لان المصري لا قيمه له في بلده لان المصري لا يملك الا ان يضرب ويهان ويسخر منه ...والتعويض ..5 الاف دولار..هل تتذكروا كم دفع المعتوه القذافي لاقارب ضحايا طائرة لوكربي؟...هل تعلمون حجم التعويضات التي دفعتها امريكا لاقارب ضحايا مركز التجارة العالمي؟؟ ملاييييين الدولارات.... اما المصري فلا يساوي اكثر من 5 الاف دولار .. قتلوا الف انسان الف حكاية في تعمد واضح.. حتي متي تمارس ضدنا هذه التفرقة؟حتي متي تنتهك اعراضنا وحقوقنا ؟وحتي متي نموت كالنعاج؟...وبمناسبة موضة حرق الاعلام والتبول عليها التي يصمم عليها البعض ...علي اليسار علم القوات المشلحة سبب نكبتنا الكبري ..وقال ايه كانوا عايزين يرفعوه علي تل ابيب؟؟؟؟......

Friday, February 03, 2006

بعد اعوام طوال من اقامتي في الغرب لاتصدمني اطلاقا وسائل السخرية من الله والاديان عموما والمسيحية خصوصا المنتشرة في وسائل الاعلام فمثلا في مسلسل رجل العائلة الكارتوني الذي تبثه قناة فوكس الامريكية تتمني فتاة من شخصيات البرنامج الموت بعد حصول موقف محرج لها فنري الله عز وجل في سمائه يقوم بتصويب بندقيته ذات منظار الليزرعلي رأس الفتاة وقبل ان يضغط علي الزناد يرن جرس التليفون ويجيب الله ب هالللللووو ويترك البندقية جانبا فالمكالمة كما تبدو مكالة غرامية ....ناهيك عن اظهار المسيح في برامج وقنوات تلفزيونية اخري في صورة لاعب نينجا ينزل من علي الصليب ويشتبك مع اليهود في معركة كونغ فو او ظهوره يقود موتوسيكل او يلعب كورة سلة في الشارع....... شخصيا لا اظن ان ايماني بالله تزعزع من رؤيته علي شاشة التلفزيون يتحدث في التليفون او حتي يدخن السيجار لاقتناعي بأستحالة حدوث ذلك...من حقك بالطبع ان تغضب او تغضبي من الرسوم الدنمراكية التي قام بها حفنة معدودة لكن هل من الحكمة معاقبة واستعداء شعب وبلد باكمالها؟ ينجح اليهود مثلا في تحويل مصائبهم الي وسيلة لكسب تعاطف العالم بينما يتفنن العرب في صناعة اعداء جدد لهم يوم بعد يوم ..لااظن ان دولة الدنمارك التي تعطي الاقامة ل.. 200 الف مسلم يعيشون فيها ويمارسون حياتهم بحرية كاملة مسؤلة عن ماقام به محرري الصحيفة (قارن ذلك بالاضطهاد الذي يتعرض له الشيعة في السعودية مثلا) ..الحل في نظري يتمثل في مقارعة الحجة بالحجة والتوضيح للاخر الضرر الذي حدث بدون تشنج وحرق للاعلام ..لا افهم ما الذي ادخل علم الدنمارك في الموضوع؟؟ عندما عرض فيلم الاغراء الاخير للمسيح في دور السينما الامريكية ثار المسيحيون في امريكا ووتم رفع الفيلم من الكثير من دور العرض بعد التهديد بمقاطعة اي دور سنيما تعرض الفيلم..اي ان الغضب والمقاطعة انصب فقط علي من يقوم بعرض الفيلم ..اما ان يتم معاقبة شعب باكمله عن خطأ قام به افراد معدودين فليس معقولا و لا اظن انه سوف يؤدي الي اي نتائج ايجابية بل بالعكس سوف يؤدي الي زيادة الكراهية وسوء التفاهم..من المعروف ان وسائل الاعلام في الغرب لاتخضع لرقابة الحكومة او تعبر عن الرأي الحكومي انما هي تعبر عن اراء اصحابها وهو شئ لا نعتاده في البلدان العربية التعقل واستخدام المنطق هنا مطلوب حتي لا يتم الوقوع في فخ يعلم الله وحده مداه .. ..

Tuesday, January 17, 2006

لا تكن متفوقا في عالم منحط

Monday, January 16, 2006

هالة فيصل

في صبيحة يوم حار من شهر اغسطس الماضي خلعت الرسامة الامريكية من اصل سوري هالة فيصل ملابسها كلها في ساحة ميدان واشنطون في مدينة نيويورك لتصبح عارية تماما الا من شعارات مناهضة للحرب تغطي جسمها للاحتجاج علي السياسة الامريكية الرسمية في الشرق الاوسط استغرق الاحتجاج مايقرب من عشرة دقائق حتي تم القبض عليها واخذت لقسم البوليس واخلي سبيلها بعد تحرير مخالفة لها(التعري في الاماكن العامة).. في حوار صحفي معها تكشف هالة (47 عام) عن جوانب من شخصيتها المثيرة للجدل.. ولدت في سوريا لاب سوري من حمص وام كردية من دمشق.. كان والداها يعمل في الحكومة السورية قبل انقلاب حافظ الاسد لذلك تعلمت من صغرها عدم الخوض في امور السياسة حيث قضي احد اعمامها مايقرب من عشرون عاما في السجن لمعارضته لحكم الرئيس حافظ الاسد ...في سن الثالتة والعشرون كانت ممثلة ناجحة في سورية واحست ان نجاحها قد يجلب لها المتاعب فتركت ورائها طفلها الصغير وذهبت لدراسة الفنون في روسيا وفرنسا الي ان انتهي بها المطاف في الولايات المتحدة تقول عن نفسها انها لو احست بوجودها في سجن لا تستطيع ان تبدع.. هالة التي تتحدث العربية الانجليزية الفرنسية الالمانية والروسية تعترف ان رسمها لوحات لنساء عاريات اعطاها روح ماقامت به وتعلن خوفها في حالة عدم سيطرة الشعب الامريكي علي مجري السياسة ..قامت هالة فيصل بالاحتجاج وحيدة لم يشاركها اي شخص وقالت انها شعرت بصدمة شديدة عندما تم وضع القبضات الحديدية علي يديها وسيقت الي سيارة البوليس وداخل السيارة اعترف لها الضابط انه من مناهضي الحرب
احد اصدقائي ليس مقتنعا بما فعلته السيدة هالة ويرجح ان ماقامت به يدخل في مجال حب الظهور مثلها مثل الذي يتسلق برج ايفل علي حد قوله ودليله كم الصحافة التي غطت الحدث.... شخصيا لا استطيع ان اناقش حجته بعد فمخيلتي البريئة لا تزال مشغولة بالبحث عن مكان حرف الالف المفقود في كلمة اوقفوا

تحديث: في موقعها الرسمي علي النت فوجئت بلوحاتها الجميلة ذات الالوان الرائعة التي تعبر عن حسها الجمالي المرهف يبدو ان قدر السيدة هالة ان تصبح عارية لكي نتعرف علي فنها الجميل

Thursday, January 12, 2006

روبرتسون يفعلها مرة اخري


تصريحات المبشر الامريكي بات روبرتسون الاخيرة عن مرض شارون باعتباره عقاب الهي لاعادته الارض الي العرب لا تثير التعجب فالرجل مشهور بتصريحاته الحمقاء وله سابقه في الدعوة لاغتيال الرئيس الفنزويلي شافيز ثم التراجع عن ذلك بالدعوة لخطفه ..الرجل يوصف بالتعبير الامريكي انهasshole
..اتعجب كثيرا من اعتبار نفسه مسيحيا والمسيحية تدعو الي السلام ..بات روبوتسون هو مجرد يميني متعصب يتاخذ الدين ستارا لنشر افكاره المتطرفة العنصرية ..مسيحية الرجل الابيض الاستعمارية التي تنظر للاخر نظرة متعالية ضاربة بعرض الحائط تعاليم المسيح وقامت اسرائيل العلمانية بفسخ عقد ابرمته معه لبناء مركز سياحي مسيحي يتتبع خطوات المسيح في المنطقة بسبب هذه التصريحات الغبية.. يصفه رامي هنا بأية الله روبرتسون وهو وصف اضحكني ويعبر بالضبط عن الاهداف المشتركة بين اليمين المسيحي المتطرف وحركات الجهاد الاسلامي في التعجيل بنهاية العالم بناء علي نصوص قديمة يمكن تفسيرها بطرق مختلفة..و لايختلف روبرتسون كثيرا عن بن لادن وتابعه الزرقاوي و ابو حمزة المصري فالكل يدعو او يقوم بجز رقبه المخالف له .. العالم الان يمتلئ بسياسة العنف والكراهية واندحار ثقافة التسامح.. العالم الان في قبضة اشخاص متطرفين دينيا معتوهين يلعبون باعود الكبريت ويضحكون ببلاهة علي الحرائق المشتعلة

Sunday, January 08, 2006

اللي ماشفش لحمة


اتصفح جريدة القدس العربي اللندنية واكاد اقسم ان صدام حسين هو رئيس مجلس الادارة او ان عبد الباري عطوان رئيس التحرير اقترض من صدام بعض المال من قبل ويريد تسديده عن طريق مقالات مهلبية لاتزال تمجد في السيد الرئيس القائد الركن ماعلينا...اتصفح الاخبار الي ان وقعت عيني علي هذا الخبر من مصر وانقله لكم بالتفصيل
القاهرة ـ اف ب: اثارت فتوي جديدة تحرم التجرد من الملابس خلال المعاشرة الزوجية جدلا بين عدد من اساتذة الشريعة في مصر.فقد افتي الشـــــيخ رشاد حسن خليل عميد كلية الشريعة والقانون السابق بان التجرد مــــن الملابس اثناء المعاشرة الزوجية يبطل عقد الزواج .واعتبر الشيخ عبدالله مجاور امين لجنة الفتوي في الازهر ان النظر الي الجسد مستحب باستثناء الفرج ومن ثم اوصي بان يستتر الزوجان برداء او غطاء .وعلي شاشة قناة دريم قالت الدكتورة سعاد صالح مديرة كلية الدراسات الاسلامية للبنات في جامعة الازهر انه يجوز شرعا للزوجين القيام بكل ما يؤدي الي التقريب والتحبيب بينهما ومن ثم فان التجرد من الملابس لا يبطل الزواج.الا انها اعتبرت ان تعري الزوجين بصورة تامة من غير ملابس غير مستحب وفقا للأدب والارشاد النبوي ولكن هذا لا يعني التحريم .من جانبه، انتقد عبد المعطي عضو مركز الدراسات الاسلامية بشدة هذه الفتوي وقال لا يوجد فعل محرم بين الزوجين اثناء المعاشرة في الجماع الا الوطء في الدبر .واكد عدم وجود اي نص شرعي يحرم التجرد كليا من الملابس او النظر الي اي عضو في جسم الشريك خلال المعاشرة الزوجية.

احيييه احييييييه...خلط الدين اي دين بالسياسة كما وضحت من قبل يؤدي الي الخراب والدمار يؤدي الي المذابح يؤدي الي الرؤوس اليانعة المقطوفة اما خلط الدين اي دين بالجنس فيؤدي الي الضحك الهستيري لكنه ضحك كالبكاء تبكي وتلطم علي خدودك بعد ذلك ...الفتوي غريبة وغير مقنعة فالاخ الاستاذ الدكتور رشاد خليل افتي ان التجرد من الملابس يبطل عقد الزواج ..يا لهوي كده حته واحدة اي انه بحركة معلمه ضرب كرسي في الكلوب وقال يايلا يا ولاد الكلب كلكم بتزنوا قابلوني لو وردتوا علي جنة يا قلل.. طب ليه علشان ايه يا استاذ رشاد هذا ذلك له علاقه بمرض شارون مثلا هل له علاقه بغناء نانسي ودلع ماريا او تحرر المزة ايه اللي مزعلك بس يا استاذ خليل ؟ ثم اتي السيد الاستاذ الدكتور الشيخ عبد الله مجاور ..اخ من مجاور ده.. ليعلنها صراحة ان النظر الي الجسد مستحب ماعدا النظر الي الفرج!!! الفتوي هنا تدعو الي الاندهاش فالزوجة تستطيع ان تنظر الي الحمامة اما الزوج فلا يستطيع النظر الي الفرج!!!؟؟ حمامة نعم فرج لا ..الاخ مجاور عنده مشكلة شخصية مع الفرج ويريد اقحامنا فيها معلش ملناش دعوة يحل مشكلته مع الفرج بعيد عن الناس وبعيدين الفرج ولا بيخوف ولا بيعض هو بس مفروض الاستاذ مجاور يجمد قلبه ليس اكثر او اقل وبعد ذلك تقول الاستاذه الدكتورة سعاد نصر اقصد صالح بأن التجرد من الملابس لايبطل الزواج ولكنه غير مستحب وهي هنا تذكرني بمحمد نجم في مسرحية شفيق يا راجل عندما كان يصف الراجل انه طويل لكن قصير شويه والتخين الرفيع ..تم جاء الاستاذ عبد المعطي عضو مركز الدراسات الاسلامية ليعيد الكل الي حالة العقل التي فقدوها ليعلن مرة اخري ان الدين وجد ليسهل امور الناس وان ما حلله الله لايفرقه انسان وان التحكيم الي العقل هو الاساس
دكتور جيكل بداخلي يعلنها بصراحة اه يا امة ضحكت من جهلها الامم اما مستر هايد فيشخر شخرة عاليه ويصرخ صحيح اللي ماشفش اللحمة شاف ..امه اتهبل

Saturday, January 07, 2006

انت جيت يا عيد


اكره العيد... اشعر فيه بالوحدة اكثر.. يأتي دائما بارد خالي من الاهل والاصدقاء يأتي دائما واناعلي نفس المقعد الخشبي نفس المائدة الخشبية امامي طبق من الاكل الصيني وزجاجة بيرة تمضي الاعوام وتمر الاعياد ويتغير نوع البيرة ويشيب الشعر و لا تزال لعنة الابن الضال تطاردني ...كل عيد واهل مصر مسلمين ومسيحين ومنايفة بخير وننهي كلامنا بمقولة المتنبي ....عيد بأية حال عدت يا عيد؟ ماتجاوب يا روح خالتك

Thursday, January 05, 2006

علي من نلقي اللوم؟

ترددت كثيرا قبل كتابة هذا الكلام لم استطيع ان امنع نفسي من التفكير بطريقة تختلف عن الاخرين حاولت ان اتفهم وجهه نظر الاخرين لم استطع ..اقرأ ملف لاجئي السودان للمرة العاشره اشعر بالحزن لوقوع ضحايا ولكن لا اتعاطف معهم بالمرة اقل ما يوصف به انهم هم الذين وضعوا انفسهم في هذا المأزق بعيدا عن التشنج والعبارات الطنانة هنالك عدة حقائق* بربكم كيف يعيش الف شخص في العراء كل هذه المدة ولماذا؟ هل يمكن ان يحدث ذلك في اي دولة اخري؟*حاول الكثير من المسئولين اقناعهم بأن الاعتصام في العراء لن يغير من سياسات الامم المتحدة (مشكلتهم مع الامم المتحدة وليست مع مصر التي علي الاقل فتحت ابوابها لهم ) لكنهم فضلوا طريقة لوي الذراع والابتزاز* في شهادة احدي المعتصمات تعلن انها علي علي استعداد للتضحية باحد اطفالها .....تخيلوا من اجل فيزا لدولة اجنبية طفلها لايساوي اي شئ ....*الكل في التقرير يعلن عن رغبته في مغادرة مصر هي بالنسبة لهم خرابة يقضون فيها حاجاتهم الي ان يأتي الفرج بتأشيرة لدولة اجنبية بالطبع هم لاجئون لسبب اقتصادي وليس عرقي او سياسي.. مصر الفقيرة ليست من مقامهم ..*اغراهم الطمع بالدخول في مواجهة مع قوات الامن التي انذرتهم لساعات قبل المواجهة وبالفعل انسحب كتير منهم قبل المواجهة وفضل الاخرين الدخول في مواجهة غير متكافئة مع قوات مكافحة الشغب المسلحة من اجل ماذا؟من اجل تأشيرة علي جواز السفر هل يعقل هذا؟ تطالعنا الصحف عن وجود 3 مليون سوداني في مصر!! مصر التي تضيق بأهلها الطاردة للسكان التي يهاجر ابنائها للخارج من اجل لقمة العيش يعيش فيها 3 مليون مهاجر من دولة اخري !!!!هل هذا فيه شئ من العقل ام مجرد ضرب من الجنون؟
الحكومة الفاسدة التي تحكمنا ماكان لها اصلا السماح بدخول لاجئين جدد في بلد يعيش فيه80 مليون لاجيء وكان علي قوات الامن الفاشية اعتقال قادة الاعتصام ولا الاعتقال مكتوب علي اهل مصر فقط؟وبالتالي كان ذلك كافيا لفض الاعتصام بدلا من ضرب الاطفال والنساء العزل..قتل عشرات الاشخاص ودمهم موزع بين قادتهم الذين زينوا لهم الاعتصام وبين نظام مبارك الدموي

Monday, January 02, 2006

بكيني ولا برقيني؟ تعاللي يا امه وغطيني

الاخت اديبة نابلسي تعيش في استراليا مع عائلتها ووفقا لجريده هيرولد صن الاسترالية تلبس الاخت اديبة مايسمي البرقيني علي وزن البكيني وهوعبارة عن زي يسمح لسيادتها بالعوم والبلبطة مع اطفالها في حمام سباحة مختلط والزي من تصميم مصممة ازياء تصمم علي ان الزي هو بكيني اسلامي ويمكن الحصول علي الزي عن طريق موقعها علي الانترنت انتهي الخبر اخذت بعد القراءة بهرش مؤخر ..اقصد دماغي في محاولة لفهم الموضوع الغريب لانه حسب علمي يعوم معظم اهل استراليا بلابيص كما ولدتهم امهاتهم ..تصوروا حضراتكم الاخت اديبة تعوم بهذا الزي العجيب وسط مجموعة من النساء التوبلس ... لذلك لا استطيع امنع نفسي من التفكيربأن ما تقوم به الاخت اديبة هو التخريب بعينه وبعد تدقيقي في الصورة جيدا صدق حسي فيبدو ان الاخت اديبة بلباسها (هنا اللباس بمعني الزي) العجيب كانت تعبث في البسين مثلما كنت افعل وانا طفل صغير وتذكرت علي الفور تأنيب امي الذي يصلح للاخت اديبة ..عيب ...الناس اللي بتعوم دي ذنبها ايه

Sunday, December 25, 2005

قلوبنا معك يا دكتور نور

حكم القاضي عب سلام جمعة علي الدكتور ايمن نور بالسجن خمسة اعوام في التهمة الموجهة اليه . عب سلام جمعة سئ السمعة فهو نفس القاضي الذي حكم علي الدكتور سعد الدين ابراهيم بالسجن عام 2002 ..عب سلام جمعة هو كلب الحكومة المخلص روح يا عب سلام تعال يا عب سلام فلقس يا عب سلام احكم يا عب سلام ..عب سلام دائما جاهز وتحت الخدمة ...اه يا عب سلام كيف يأتيك النوم كل ليلة؟
قلوبنا معك يا دكتور نور النظام يريد تأديبنا عن طريقك.. نصفق لشجاعتك واصرارك ونهتف ورائك يسقط حسني مبارك وحكم مبارك باطل باطل الف مرة.. قلوبنا معك يا دكتور نور سوف يطلق سراحك بعد شهور او عام يريدون فقط انهاكك حتي تصمت بعد الافراج عنك قلوبنا معك يا دكتور نور فقد التف حولك الخونة وباعوك يا سيدي من اجل ليلة مع النظام ..يذهب عب سلام و النظام والخونة الي المزبلة وتبقي انت العلماني تجربة حية لكلمة لا
اما نحن فلا نزال ننتظر المسيا المخلص .. ..

 Posted by Picasa

Tuesday, December 20, 2005

after having a 6 pack part 2

ايه الحكاية.. كل يومين تموتوا واحد لا بقي مش كده.. هدي اللعب ..بص ابوك الله يرحمه كان حبيبي وقال لي قبل مايموت خلي بالك علي الزلمة الصغير صحيح بس انت كده بقيت زيادة قوي ده شغل مافيا يا با.. اللي بيحصل دلوقتي ده قلق وانا مش عايز قلق انا عندي عيال عايز اورث واحد منهم واخد بالك وبعدين حيجبوك ويصورك زي عمك صدام بالباس وانا علي الطلاق حقولهم معرفهوش واخد بالك..معلش بقولهالك من دلوقت علشان هارش ..اه وبعدين انت بتبرق كده ليه ؟
Posted by Picasa

Sunday, December 18, 2005

اللعب بالنار

ماحدث في ما يسمي بانتخابات مجلس الشعب من فوز الاخوان بمقاعد المعارضة هو قرص فاليوم تعطيه لنا الحكومة بالشفاء... استخدام الدين لتحقيق المكاسب السياسية مرض مستوطن في بلدنا ..والتاريخ الحديث ممتلئ بالمأسي مثل اعلان نابليون بان سبب مجيئه لمصر هو الدفاع عن الاسلام الي الخزعبلات التي كانت تبثها اذاعة المانيا النازية الموجهة باللغة العربية اثناء الحرب العالمية الثانية التي جعلت البعض يروج لاشاعة الحاج محمد هتلر(قرأت عن ذلك في كتاب لمصطفي امين لااذكر عنوانه)مما ادي لتعاطف الجهلاء مع النازية... التاريخ الحديث ايضا يذكرنا بأن حركة الاخوان صنعها واحتضنها الغرب لضرب المد الشيوعي ولضمان استمرار النفوذ الغربي علي مصر وبالتالي علي العرب ..وانه بعد ان نكل عبدالناصر بالاخوان وجد الكثير من الاخوان الملجأ والملاذ في الغرب وخصوصا بريطانيا وبالرغم من ذلك فالاخوان انتشروا بمرور الزمن في كل مكان بتنظيمهم الدولي ومجلتهم الدعوة التي كانت تطبع في مصر وشعبيتهم الكبري خصوصا في المناطق الريفية لذلك لااعرف من اين جأت كلمة الجماعة المحظورة؟؟؟؟..لست من انصارنظرية ان النظام فوجئ بفوز الاخوان ..نحن نعيش في دولة بوليسية كل مايحدث فيها مرتب من قبل ولا مكان فيها للمفاجأت وهذا احد اسباب نجاح مبارك في التربع علي انفاسنا كل هذا الوقت.. النظام يريد الاخوان في مجلس الشعب لضمان استمرار تخدير الشعب يعني عايزين.. دين اديهم دين.. وفهم الاخوان لعبة السياسة جيدا بقبولهم الطاعة لولي الامر يعني عدم التعرض لمبارك وعائلته واستعدادهم لقبول علاقات طبيعية مع اسرائيل بالرغم من قولهم انهم لا يعترفون بها (؟) فكان لابد لهم من نصيب في الكعكة اما الاخوة في كفاية التي كن نلقي الامل عليها في التغير فقد صرحوا قبل الانتخابات بتصريح حنجوري يشجب الهيمنة الامريكية الامبريالية الي اخر هذا الكلام المنقرض اي بمامعناه بالعامي ....متعملوش حسابنا علشان احنا شيوعيين..وكان الاولي بهم التركيز علي مهاجمة النظام وعدم خلق اعداء بدون سبب..وجود الاخوان في الصورة يعطي دفعة للنظام اليميني الحاكم لانه والاخوان يتفقون في كثير من النقاط ويمهد لقيام دولة شبة دينية ..انا ضد فكرة الدولة الدينية ..خلط الدين اي دين بالسياسة هو اساس الخراب والدمار والمجازرالتي حدثت في الحروب الصليبية مثلا مثال واضح.. ما حدث في مايسمي بانتخابات مجلس ا لشعب هو مجرد تقسيم جزء من السلطة واعطائه للاخوان لاسباب سوف تتضح في المستقبل اما مجلس الشعب المذكور المشهور بسيد قراره فاقترح تغير اسمه الي سيد ز.و يمكن ده يمنع الاخوان من دخوله مرة اخري

Thursday, December 08, 2005

صباح المنجة والعنب والخوخ

اسمع .. انت متضايق؟ او زعلان؟ ولا مخنوق؟ حاسس ان مافيش امل وان الابتذال في كل حته؟ ؟؟طب عندي ليك هدية.. شوف النفس البريئة دي بتقول ايه ..اقرأ بشويش واسمع نجاة وهي بتغني .. وبعدين غمض عينك و فكر في كل كلمة مكتوبة وانسي كل همومك وحط علي وش اهلك ابتسامة عريضة علشان الدنيا لسه فيها حاجات حلوة كتير ولا تنسي ترك تعليق لصاحبة المدونة المبدعة ..وبعدين ادعيلي..... سامع.. ادعيلي

Tuesday, December 06, 2005

صور من نيو يورك

معرض لرسوم الاطفال الذين فقدوا اقارب لهم في 11 سبتمبر المعرض موجود في مكان البرجين السابق
Posted by Picasa
مطعم هندي يعلن عن الطعام الحلال كلت عنده مرة طلع حرام خالص
 Posted by Picasa
المبني الفيدرالي زي مجمع التحرير حيث مقر ادارة الهجرة العبد لله شرف ساعتين في التخشيبة عندهم زمان

Posted by Picasa

التلج نزل
 Posted by Picasa
اضواء المدينة
 Posted by Picasa
بلازا باسم المصابين بالايدز في نيو يورك عاصمة العالم
Posted by Picasa
مقر بلدية نيويورك يعني بيت العمدة ..................اعتذر لكل من تصور اني سوف التقط صور عارية بالكاميرا واخص العزيز ابو نسب بهذا الاعتذار معلش الجو سقع والحريم غطو وبرضه البلوج بلوج عائلات وعيب كده Posted by Picasa

Wednesday, November 30, 2005

عن كلينتون وهيما وودني واشياء اخري

يعتبرحكامنا في وطننا العربي السعيد انفسهم انصاف الهة لايجوز الاقتراب منهم ابدا الويل كل الويل من تسول له نفسه بالذهاب بجانب سيادتهم فعواقب الامور في انتظاره تماما مثل الاباطرة في الصين القديمة بالرغم من ان حكامنا اصولهم متواضعة ولا يجري الدم الازرق او اي دم في عروقهم لكن التكبرو التعالي هي صفتهم المميزة مش عارف علي ايه؟ حيث خيبة الامل راكبة جمل.. اقول هذا وانا اتذكر ابراهيم الحلاق المصري في جيرسي سيتي الذي كنت من زبائنه منذ 5 اعوام تقريبا قبل احداث سبتمبر اللعينه لاحظت مرة وجود صورة فوتوغرافية مكبرة علي حائط المحل يظهر فيها بيل كلينتون لابسا فانلة رياضية وشورت ونظارة سوداء وهو يعدو ورائه ابراهيم الحلاق وهو ناظرا للكاميرا ببلاهة ويظهر في الخلفية اثنان من حرس كلينتون وهم علي وشك الانقضاض علي ابراهيم
انا: مين ده يا هيما اللي انت بتجري وراه في الصورة ؟
ابراهيم: ده بيل كلينتون
انا: راسما علي وجهي علامة الاستحمار كلينتون مين ؟ الرئيس السابق بتاع البيت الابيض
ابراهيم: هو في غيره دانا كنت والمدام بنتفسح( لا اذكر بالظبط اين قابله اعتقد في مكان ما بولاية فرجنييا) وبناخد كام صورة علشان نبعتهم للحبايب في مصر .. وبعدين لمحتلك الراجل هو والحرس بيجروا في البارك( الحديقة) روحت جريت علشان اسلم عليه والحرس منعني لكن هو طلع راجل طيب وسلم عليا
انا: تاني مرة بقي تبقي تحاسب و..حاسب انت حاطط المقص علي ودني ليه؟
ودني المسكينة كان لها موقف مع حاكم من نوع اخر..الزمان صيف 1996 المكان محطة قطارات طنطا كنت هنالك لقضاء بعض المصالح و كنت في محطة القطارات منتظرا القطار للعودة الي الاسكندرية المحطة كانت نظيفة للغاية علي غير العادة السبب هو ان ابو جمال توافيرا للنفقات بالطبع سوف يمر بقطار الرئاسة ..المحطة كانت شبه مغلقة اجلس علي الكرسي الحجري وورائي قطار من قطارات الدرجة التانية و الثالثة العادية مزدحم بالركاب ومحاط بعساكر الامن وطبعا علي المساكين الانتظار ساعات في الحر الشديد الي ان يمر قطار الرئاسة ..لا اعرف من اين اتي.. فتي لايتجاوز عمره السادسة عشر جلس بجانبي يبدو انه ان استطاع الفلات من العسكر المحاطين بالقطار وظن انه بجلوسه علي الكرسي سوف يشاهد ابو جمال بطلعته البهية وهنا ظهر مخبر وسألني عن سبب جلوسي بالمحطة وطلب رؤيه تذكرتي وبعد ذلك سأل الفتي عن سبب جلوسه علي كرسي الانتظار واذكر بعد ذلك زوووووووو وصفارة في ودني اليمين لاول وهلة تصورت ان القلم نزل علي صدغ سعادتي كنت مخطئا بالطبع لان الكف نزل علي صدغ الفتي الصغير الذي صرخ من الالم الذي اخذ بعد ذلك شلوت محترم واخذ يجري وهو يعرج راجعا الي القطار الرابض في المحطة تشيعه لعنات المخبر.. احكي هذه القصة مرارا لاصدقائي الامريكان لتوضيح حالة حقوق الانسان المتردية في دولة تعتبر حليف امريكا القوي وان البلايين التي تذهب لمصر في شكل منحة عسكرية كل عام هي الوقود الذي يغذي الديكتاتورية الفاشية المتفشية في بلدنا التي لاتختلف من وجه نظري عن افعال صدام حسين للشعب العراقي
صدقوني اتفهم وجه نظر ابو جمال في الابتعاد عن الشعب لانه يعلم ان في حالة نزوله للشارع مثلا ان الناس لن يجروا لياخذوا صور تذكارية معه مثلما فعل ابراهيم مع بيل كلينتون بل هم سوف يجرون وراء سيادته في محاولة لعكمه علي قفاه العريض تقديرا لانجازاته الضخمة خلال الربع قرن الماضي ..

Sunday, November 20, 2005

الكلاب في مجلس النواب

عندي صداع شديد وارتفاع في ضغط الدم ومنذ الصباح وانا اسب والعن بالعربي والانجليزي والاسباني بعد معرفتي بانضمام بعض المرشحين المستقلون المنشقين عن الحزب الوطني الي الحزب الوطني القراطي مرة اخري بعد اعلان فوزهم في المرحلة الاولي ...احه لا احه بجد.. احه بصحيح تخيلوا تذهب الي صندوق الانتخاب وتنتخب مرشح مستقل وبعد فوزه يطلع لك لسانه و يقول لك ضحكت عليك انا من الحزب الوطني!!! وهنا اتسأل هل هنالك علاقة جنسية بينهم وبين كمال الشاذلي مثلا لذلك لايستطيعوا الاستغناء عن الحزب الوطني؟ وهل مثلا يعتقدوا ان الناخبين الذين صوتوا لهم من ممارسي العادة السرية الذين يعانوا من فقدان الذاكرة لذلك سوف ينسون ما حدث سريعا؟ وهل هنالك اي جهة لمحاسبة هولاء النواب الكلاب ؟ وهل هنالك اي مهتم بماحدث؟ كل ما استطيع قوله استحوا عيب فما حدث ليس مجرد انتهاك للديمقراطية بل هو ركوب ولامؤخذه للديمقراطية وبعدين انتخابات ومجلس شعب ايه اصلا وهو مجلس صوري لايملك اي سلطة والحاكم يستطيع تمرير اي قوانين واتفاقيات بدون الرجوع الي المجلس ...ديمقراطية هبلة عرجاء مجرد ديكور لا تسمن ولا تغني كل ما يفعله هذا المجلس هو اعطاء نفوذ وصلاحيات للاعضاء به اما عن فوز الاخوان بمقاعد المعارضة ..فمعروف ان النظام الحاكم يخشي من القوي القومية والاستعانة بالاسلام السياسي لضرب قوي المعارضة القومية حركة قديمة تنفذ باستمرار منذ عهد السادات لذلك هنيئا للشعب بنوابه وهنيئا للنواب بالهبر والنفوذ ولك الله يا مصر اما انا فكشفت راسي ودعيت عليهم كلهم ولاد الهرمة

Saturday, November 05, 2005

شكرا يا شاكيرا

اعلنت الاخت الفنانة الكلولومبية شاكيرا بانها تعتز باصلها العربي ووفقا لجريدة القدس العربي اللندنية قالت سيادتها بان من يلجأ الي العنف هم اقلية في وطننا العربي السعيد والذي لا تعلمه الاخت الفاضلة ان الاكثرية منا في وطننا العربي السعيد يعتبرون سيادتها عورة لابد من تغطيتها فالشعر عورة والوجه عورة والصوت عورة وبالمناسبة شاهدت الاخت شاكيرا في التلفاز منذ مدة وكانت سيادتها تغني بصوتها الملائكي في حفلة ويبدو والله اعلم انها احست ان الجمهور والسميعة نيام او في حالة طناش فادارت ظهرها للجمهور واخذت تهز مؤخرتها المهولة في اصرار عجيب حتي هاج الجمهور وماج ومعهم بالطبع قلبي المسكين ...فيا اخت شاكيرا نحن نعتز بك وبمؤخرتك ايضا ولو كره الكارهون وتحية قلبية لك من بلاد النشامي والاشاوس والصناديد والمجاهدين والجهاديين وامجاد يا عرب امجاد

Friday, November 04, 2005

عبد الكريم عامر

الخبر معروف ولا يحتاج لايضاح كل مااريد قوله انه شاب يبلغ من العمر 21 عاما ملقي في معتقلات حسني مبارك بدون توجيه اي تهمة له ..تتفق مع بعض كلامه او تختلف معه نهائيا ليس مهما ..المهم هو انه تنتهك حقوقه وكرامته في دولة كرامة الانسان فيها لا تساوي شيئا فما بالك بمعتقلات وسجون تنتمي الي العصور الوسطي ..لابد لنا ان نصرخ ونطالب بالافراج عنه وعن كل المعتقلين بسبب حرية الرأي .. لابد ان ان نطالب بسيادة القانون و الدستور و ليس قواعد قانون الغاب التي يطبقها النظام الحاكم في حضرة مجلس الديوث المسمي بمجلس القضاة


أطلقوا سراح المدون المصري عبد الكريم

Sunday, October 30, 2005

يا ..حميمي

نقلا عن مدونة طق حنق نشرت النيويورك تايمز التي لا اقرأها مطلقا بالرغم من وجودي في نيويورك لا نها لا تحتوي علي صور سكس.. خبرا عن الدكتور ايمن نور ينص علي انه استلم قرص مدمج من مجهول يحتوي علي تسجيل محادثه حميمة حدثت بينه وبين زوجته ومع القرص تهديد بانه تعدي علي اسياده!! وان المرة القادمة سوف يكون التسجيل صوت وصورة.. بصراحة توقعت حدوث شئ من هذا القبيل ..فحكومتنا حكومة فاجرة لاتختشي ابدا.. والعبد لله بالرغم من ذلك لا يري اي ضرر في حكايةالمحادثات الحميمة التي تحصل تقريبا مع كل المتزوجين بل انا اجزم ان حتي السيد الرئيس حفظه الله لابد وحتما ان يكون له محادثات حميمة واستنباطها ليس بالصعوبة فالسيد الرئيس نشأ و ترعرع في قرية وحقل من حقول مصر الخضراء لذلك فالمحادثه حتما ستكون مشابهة للاتي
السيد الرئيس:سلامو عليكو
السيدة حرم السيد الرئيس:وعليكو السلام اهلا ياحاج
السيد الرئيس:الله هو القصر هس كده ليه.. امال فين حمادة وتوتو
السيدة حرم السيد الرئيس: العيال بره بيسلكوا امورهم اللي في البزنيس واللي في الحزب
السيد الرئيس:يعني احنا لوحدينا ....... يعني ممكن نطلعو طلعة جوية بتاعت زمان.. والله زمان زمان والله
السيدة حرم السيد الرئيس:يا راجل عيب اتلم... ايه... بعد اما شاب حيدخلوه الكتاب
السيد الرئيس:يا ولية شاب ايه بس مالشعر كله اسود اهوه يا دي النيلة... اقولك... انا رايح العب اسكواش احسن
السيدة حرم السيد الرئيس:اسمع ...نظيف اتصل عايز ياخد رأيك في حاجة مهمة
السيد الرئيس:نظيف ايه بس..... ايه الاسامي الغريبه دي ..يكونش مسيحي ...انا قولتلهم هاتولي واحد اسمه عاطف عشان انا بتفأل بالاسم ده قالولي مافيش... خلصو من البلد وعايز ايه سي نضيف ده؟
السيدة حرم السيد الرئيس:يا راجل انت معندكش اي فكرة عل بيجري في البلد.. الناس.. بتوع كفاية دول اللي عاملين قلق
السيد الرئيس: يا ولية انتي ملكيش في السياسة كفاية ايه وحرام ايه.. دول شوية عيال صويع ايه يعني اما 500 ولا 600 واحد يتظاهروا.. لولا ان المره اللي اسمها كوندي دي واخده بالها مننا دلوقت دا كنت عملت الهوايل .. المهم الملايين المشغولة بلقمة العيش والهم والخطة ماشية صح ..اشغل الناس عن حقوقهم وفرق بينهم وغلي عليهم الاسعار وخرب التعليم و التأمين الصحي و طلع واحد زي ابو كرش يلغوش علي الناس كل شوية ويجعلوه عامر
السيده حرم السيد الرئيس: انا عايزاك تظبط الواد كويس علشان لو حصلت حاجه يمسك بدالك علي طول
السيد الرئيس: بلاش تفويل...وبعدين انا شايف ان الواد لسه عظمه طري وده شعب نمرود ما داهية يديهم ديمقراطية بصحيح وبعدين انا قلت لسه مقررتش ..وانتي عارفة انا كلمتي واحدة متنزلش الارض ابدا
السيدة حرم السيد الرئيس:حسني..!!!!
السيد الرئيس:حتنزل المرة دي
------------------------------------------------------------------------------------------------
قال صلاح عبد الصبور رضي الله عنه وعنا جميعا
الحلم جنين الواقع
اما التيجان فانا لااعرف صاحب تاج الا الله
والناس سواسية عندي.. من بينهم يختارون رؤوسا ليسوسوا الامر
فالوالي العادل قبس من نور الله
اما الوالي الظالم فستار يحجب نور الله عن الناس
كي يفرخ تحت عباءته الشر ..هذا قولي يا ولدي

Saturday, October 22, 2005

تعليق علي مايحدث

الاحداث المؤسفة التي تقع الان في الاسكندرية ماكان لها ان تحدث لو كان القانون يطبق بجدية...علي حد علمي ينطوي قانون العقوبات المصري علي نصوص قاطعة تنص علي معاقبة من يقوم بالتعدي علي معتقدات الاخرين الدينية وبث الكراهية.....وكمواطن مصري اولا واخيرا اشعر بالاسي من قيام البعض من الطرفين في الاونة الاخيرة بالسخرية والتهكم والتعدي علي مقدسات الاخر الدينية يحدث هذا تحت سمع وبصر الاجهزة الامنية التي تطبق مبدأ فرق تسد ...لاامل في الحكومة الفاسدة التي من مصلحتها قيام البغضاء بين عنصري الامة...يجب علينا نحن الشعب ان نعلم انه ليس هنالك اي خير او مصلحة في لبننه اوبلقنه مصر....والخوف كل الخوف ان يكون ما يحدث الان هو بروفة لمصائب اخري في المستقبل
اما بالنسبة للمسرحية المزعومة فانا لم اشاهدها ولا استطيع ان احكم علي المحتوي بناء علي تصورات الاخرين
يجب ان تقوم النيابة العامة بالتحقيق في الامر ولو كان بالمسرحية اي مساس بالمقدسات والعقائد الاسلامية يعاقب المسئول عنها طبقا للقانون ويكون في ذلك عبرة للجميع ...ولوثبت قيام الصحيفة بافتعال الموضوع لتحقيق مكاسب مادية توقع عليها اغلظ العقوبات.... وليذهب مثيري الفتنة الي اسفل الجحيم

Tuesday, October 18, 2005

اللي يخاف من العفريت ...يطلعلوه

كثر الكلام هذه الايام عن الشياطين والعفاريت والابالسة والعياذ بالله تجد ذلك في مدونة اخونا يحي مجاهد وايضا عند مدونة مواطن مصريوالعبد لله له تجربة سوداء مع القوي الخارقه للطبيعةوهي قصة حقيقية مائة في المائة ....نرجع للوراء خمسة اعوام كاملة كان العبد لله في حالة غرام ووصال مع فتاة امريكية تدعي ستيسي وهي نباتية تعشق الطبيعة وتؤمن بمعتقدات النيو ايج وفي ليلة ساحرة يحلو فيها الود والتواصل دار بيني وبينها حوار مثل الاتي

هي: ا... انت عمرك جربت الويجي
انا: يعني ايه؟ هي حاجة بتتاكل ولا بتتشرب ولا يمكن وضع جديد من الاوضاع لسة مجربناهوش هههههها اقول هذا وانا احاول فتح ازرار قميصها الداخلي
هي: تنظر الي بغضب وتحكم اغلاق قميصها الداخلي بمامعناه ..انسي..الويجي دي عبارة عن اداة روحية هامة عبارة عن وسيلة للتخاطب مع مرشدك الروحي
انا: مش دي عبارة عن لوح خشب والا ورق وعليه ارقام وحروف وكلام وقال ايه تحطي ايدك علي بتاع بلاستيك البتاع يدور لوحده ويدكي رسالة يا شيخة حرام عليك انت تصدقي الحاجات العبط دي
هي: حاجات عبط !!دانت باين عليك حمار ..الويجي دي موجودة من ايام قدماء المصريين اللي استخداموها في المعابد للكشف عن المستقبل والتاريخ يقول ان فيثاغورس حصل علي معادلاته الرياضية المشهورة عن طريق الويجي
انا لنفسي: فيثا مين؟ يا دي الليلة الكوبية دي زعلانة وضربت بوز وفاكراني بتريق عليها اعمل ايه بس علشان اخلص
نفسي :انت يله البت دماغها مشيعة اظهر لها انك مهتم واسمع لها معلش هاودها علشان ال ................. وجوز ال.
انا: ماشي الحال..................................................... اوكيه
انا : يعني صحيح يا ستيسي الموضوع ده انت جربتيه؟
هي: طبعا في المدرسة الثانوية كنت باستعملها كتير تصدق في مرة سألت عن عن رقم تليفون واحدة صاحبتي كان ضايع مني والمؤشر لف لوحده علي اللوح واظهر لي الارقام كلها وفي مرة قال لي اني حاسيب ميزوري وحاجي اعيش في نيو يورك وبالظبط ده اللي حصل ..استعمال الوبجي وسيلة جيدة للتخاطب مع العالم الاخر او مع نفسك العليا..قالت ذلك وهي سعيدة ضاحكة
انا: اوه دي حاجة جميلة خالص انا نفسي في يوم من الايام اجرب حاجة زي كده اكيد حاستفيد روحيا وعقليا جدا ...قلت هذا ويدي تحاول فك الازرار اللعينة ..ستيسي علي فكرة هو اللي بتاع ده بينفك ازاي علشان انا اتخنقت
وتمضي الاسابيع والشهور وافترق انا وستيسي ربما الي الابد وتطوي صفحة من عمري بخيرها وشرها وتمر الشهور بطيئة بعد ذلك وفي يوم من ايام شتاء نيويورك البارد دخلت محل من محلات بارنز اند نوبل الشهيرة لبيع الكتب لاستعمال الحمام النظيف بالطبع علي اساس انه حمام مثقفين والذي يختلف اختلاف جذري عن حمامات ماكدونالدذ التي يشخ فيها الاوباش والرعاع وبعد قضاء الحاجة اخذت اتصفح الكتب والمعروضات وتقع عيني علي الويجي وافتكر الذي دار بيني وبينها.. التقطت العلبة واشترتها وذهبت الي شقتي الخالية مسرعا لمحاولة فك السر الذي كنت متأكد انه عبارة عن مغناطيس او زمبلك اوخدعة معينة لانه من غير المعقول ان يتحرك المؤشر من تلقاء نفسه فتحت العلبة واخذت ابحث علي اي مغناطيس او خدعة فلم اجد ..وضعت اللوح علي الارض ووضعت المؤشر علي اللوح وبطرف اصابع ايدي لمست المؤشر واخذت اعد نبضات قلبي مثلما هو مكتوب في كتيب طريقة الاستمال ثم بصوت منخفض سألت عن تاريخ ميلادي وفجأة شعرت بخطوات بطيئة تمشي في الشقة واخذ المؤشر يرتعش علي اللوح وستارة الشباك تتحرك بالرغم من ان الشباك مغلق صرخت في فزع.. مييييين؟ لااجابة.. احس بالخطوات البطيئة التي لااستطيع ان احدد من اين مصدرها وهنا دار حوار بيني وبين نفسي
انا: الساعة 11 باليل وفي حد ماشي في الشقة عندي
نفسي: تخيلات كل اللي بتشوفه وتحسه ده تخيلات.. ده باين واحد من الجيران اللي فوق بيتمشي والسقف بيسمع.. والستارة بتتحرك علشان الشباك بينفس ..والمؤشر بيرفرف علشان ايدك بتترعش علشان انت خايف
انا: احه... بقولك الساعة 11 باليل وفي حد بيتمشي في الشقة
نفسي: وانا اعمل لاهلك ايه؟ انت السبب ...اقفل البتاعه دي الله يخرب بيتك
انا: ماشي الحال................................................................ اوكيه
اغلقت اللوح سريعا وتخلصت منه خارج المنزل وفجأة اختفي صوت الاقدام ورجعت الستارة الي حالة السكون ونمت تلك الليلة مفتح عين ومغمض عين واخذت اتلفت حولي كل عشر دقائق لمدة اسبوع حتي تيقنت مع عدم وجود عفاريت اوبعابيع في الشقة....لذلك يا اصدقائي الاعزاء عندما اسمع عن الشياطين والعفاريت اضع علي وجهي التعبير الذي كان يضعه الاستاذ اسماعيل ياسين علي وجهه في افلامه عندما كان يري عفريت او حاجة مخيفة واسرسع مثله لاااااااااوالنببببببببببي

Sunday, October 09, 2005

جيرانا الطيبون

-and you ...whats your background?
-i was born in Egypt, i am an Egyptian
-oh Egypt....our good neighbors
جيرانا الطيبون.... لاتزال هذة الكلمة ترن في اذني حتي بعد سنوات من سماعها من قبل سيدة اسرائيلية تعتبرنا جيرانها الطيبون اما نحن فماذا نعتبرهم؟ حتي الان عيني ترف عندما اسمع كلمة اسرائيل لا تزال صورة ناصر في مخيلتي وكلمات امل دنقل لا تصالح تصرخ في اذني ...اعترف اني احاول نسيان هذا احاول ان اقنع نفسي جاهدا انهم ليسوا العدو وان العدو الحقيقي يقبع في قصر القبة ...بيننا وبين اسرائيل معاهدة سلام وتقوم الحكومة المصرية بموجب هذة المعاهدة بالتعاون مع اسرائيل في مجالات عديدة وبالرغم من ذلك يصور لنا النظام الحاكم من خلال ابواقه باسلوب مباشر او غير مباشر ان اسرائيل مسئولة عن كافة مشاكلنا لالهاء الشعب عن المصدر الاساسي للبلاوي وهو بالطبع ابوجمال وعصابته ...اسرائيل هي البعبع الذي يجب ان نخاف منه امنا الغولة المسئولة عن الغلاء والمرض والفقر ...اسرائيل... اسرائيل كانها عمل اتعملنا
في محاولة لفهم الاخر ادعوكم لتصفح كتاب عادل حمودة القديم الرائع ...تحت جلد اسرائيل... يستكشف عادل حمودة المجتمع الاسرائيلي ويسخر منه ويقوم بتصنيفهم كاناس عاديين منهم الجيد ومنهم الطالح منهم المحب للسلم ومنهم العنصري القذر ..يجب ان نعلم جيدا ان صراعنا مع اسرائيل هو صراع حدودي وليس وجودي خلافنا مع الصهيونية وليس اليهودية من المؤسف ان يكون بين العرب واليهود عدواة بالرغم من صلة الدم والكثير من التراث المشترك افتح قلبك ومد ايديك للاخر الذي يريد السلام وانسي ولو لمرة الذي تعلمته مرغما

Sunday, September 25, 2005

مقدمة نانسي ومؤخرة روبي

في اطار عالمك من يحكمه استطلعت البي بي سي العربية
الدكتور عبد الوهاب المسيري مؤلف موسوعة اليهود اليهودية والصهيونية عن اراء سيادته في موضوع نانسي عجرم وروبي واشار سيادته علي ان نانسي عجرم زي الملاك الطاهر وان روبي قليلة الادب خالص وانه بعد مشاهدة الاغاني اكد سيادته ان نانسي تراعي الجانب الانساني في تصوير اغانيها بعكس روبي التي تقوم بتهيج المشاهدين باستخدام جسمها ورموز جنسية مثل الثعبان!!!!والعبد لله يقدر ابحاث السيد الدكتور في مجال اليهودية والصهيونية لكني اختلف معه اختلافا شديدا في هذا الموضوع بالذات فانا لااخفي تعصبي الشديد للفنانة روبي واتمني ان اقابلها لمدة 3 دقائق فقط لابدي اعجابي الشديد بفنها الكبير...روبي بنت بلدنا برضه شربت من ميه النيل زينا واكلت جبنه رومي من الجمعية زينا واكيد اتشعلقت في الاتوبيس زينا بس احنا مخدناش بالنا..والعبد لله عندما يري الفنانة روبي علي شاشة التلفاز لا يبحث عن عري او رموز جنسية مثل الثعبان او زلومة الفيل لا سمح الله انما يرفع يديه الي السماء ويدعوا قائلا ارزززوقنا يا رب ..اي ان مشاهدة الفنانة روبي تؤدي الي تقوية الوازع الديني عند البعض من اجل هذا ننصح السيد الاستاذ الدكتور بتمضية وقت فراغه في اشياء مفيدة مثل لعبة السلم والثعبان او قراءة الكف البعد عن الاشياء المضرة بالصحة التي تؤدي لضعف البصر0

وظهر فجأة الظواهري

ذهبت الاسبوع الماضي الي مطعم اسماك بورسعيدي في جيرسي سيتي لتناول وجبة سمك علي اعتبار ان الفسفور مهم جدا لاجزاء معينة في جسم الانسان ..يطغي علي المطعم الهدوء... طلبت سمكة بوري مشوية وطبق سلطة ...ينظر الجميع الي شاشة التلفزيون التي تعرض احدي الاغاني العربية وفجاءة لعب واحد مقصوف الرقبة في الريموت ظهرت الجزيرة وفيها ايمن الظواهري ...يا دي الليلة السودة ...الظواهري الذي يتحدث بجنون العظمة عن عمل لندن الاجرامي بانه غزوة!!!! عمل اجرامي قتل فيه الابرياء ومنهم مسلمون عمل اجرامي لايستفيد منه سوي اعداء الاسلام ...الاسلام الدين السمح الذي يحاول الظواهري وعصابته خطفه والقيام باعمالهم الاجراميه تحت اسمه والاسلام السمح منهم برئ....تحدث الظواهري عن العراق ..لااعتقد انه يشرف العراق العظيم ان يتحدث قاطع طرق مثل الظواهري عن معاناة العراقيين...دعونا نترك العراق لاهله فهم ادري بحاله كفانا وصاية علي الاخرين ..اما عن افغانستان التي تحدث عنها باتهام حكومتها الجديدة بتزوير الانتخابات ..من سخريات القدر ان يتحدث ظلامي مثله عن الانتخابات وهو لايؤمن اصلا بها...جاءت السمكة بعد غياب طويل ..نفسي انسدت اكل بلا رغبة علي غير العادة ليس لها طعم....اراقب وجوه الحاضرين فاجد الصمت هل يا تري يصدق البعض منا هذا المحتال؟
الحساب لو سمحت
دي حاجة بسيطة خليها علينا المرة دي
شكرا يا سيدي الحساب كام
سبعتاشر دولار بس
سبعتاشر ايه (شخره) وكمان بس (شخره تانيه) الله يخرب بيتك يا ظواهري ...

Thursday, September 15, 2005

بالووح والدم نفديك يا تحتمس

ليس بيني وبين السيد الرئيس اي ضغينة شخصية علي الاطلاق ..فالعبد لله لم يتحقق له شرف مقابلة السيد الرئيس او رؤيته شخصيا علي الاطلاق وانا هنا اعلنها علي الملا معرفش اي حد من المنوفية اطلاقا ومعرفش اصلا المنوفية دي بتتراح ازاي...والعبد لله قام بتعليق صورة سيادته علي حائط فصل 5 ابتدائي بناء علي توجيهات مييس بدرية التي اعتقد الان انها كانت مدسوسة عليا من الحزب الوطني ...بيننا وبين سيادته مجرد وقفات من باب العشم ...فالسيد الرئيس الذي دخل معترك السياسة من باب الصدفة البحتة والفضل كله يرجع لعم عبدو الذي قام برص الكراسي يوم 6 اكتوبر1981 فهو لم يجعل كرسي سيادته ملاصق لكرسي الرئيس المؤمن بالقدر الكافي وتسبب ذلك في خوض السيد الرئيس الحياة السياسية ووصوله لسدة الحكم واعتقد ان تاثير عم عبدو لايزل واضحا علي السياسة في مصر فلايزال الرص مش متظبط

بيننا وبين سيادته كما قلت مجرد وقفات من باب العشم ..تصور انك بتحترم واحد معين وتحس انه وقور وعلي درجة عالية من الادب والاخلاق وبعدين الراجل بفتح بقه وتلاقيه قاعد يشخر ويسب الدين وبعدين تعرف انه عشرتجي كبير ...حتحس طبعا بصدمة ودي بالظبط اللي حصل بيننا وبين السيد الرئيس مع الاختلاف في الاوصاف والتشبيه ...الصدمة الاولي حدثت عند تصريحه الشهير ان مافيش تنمية ولايحزنون بسبب ان احنا قاعدين نخلف ونجيب في عيال كتير وهنا تحول سيادته من حاكم يحكم علي اساس دستوري الي كشاف يعد الحيوانات المنوية بتاعت الناس ولما الشئ بالشئ يذكر فاعتقد ان احد الحيوانات المحيطة بسيادته اشار اليه بقول هذا التصريح الذي اثر بالسالب علي شعبيته سيادته......الصدمة الثانيه حكاية ان سيادته مكنش عايز يحكم البلد بس علشان مافيش حد يصلح علشان كده بس هو فالحكم وانه مش لاقي اي واحد يصلح ليكون نائب للرئيس وكلام من هذا القبيل ..والعبدلله يعتقد ان سيادته يطبق المثل البلدي الشهير ..عينه فيه ويقول اخيييي واو انه يقول هذا الكلام الاقرع من باب منع الحسد.....والرغم من ذلك فانا لا اخفي اعجابي بسيادته حيث استطاع سيادته ان يخم مستر ريجان وبوش الاب وعموكلينتون وحمادة بوش الصغير وايضا صداقته بالسيد الرئيس شاوشيسكو وكابتن منجستو وكل هذا بالطبع من اجل رفعه وسمو الوطن

ولو قدر لي في زيارتي القادمة لمصر ان اقابل سيادته في الشارع اوعالسكرية في كامب شيزار فسوف اسحب كل كلامي السابق واتحلي بروح اخلاق القرية واصرخ في نشوة عظيمة احا احو قال ايه عايزين يشلوه*......

*هتاف حوش الحزب الوطني ضد مظاهرة كفاية في شبرا

Tuesday, September 13, 2005

فضفضة من القلب لواحدة عارفة نفسها كويس

بصي بقي يا اسمك ايه ...في حاجة كدة اسمها الصداقة يعني اتنين ماشين في سكة مختلفة وبعدين يخبطوا في بعض ويرحوا متكلمين مع بعض وبعدين يطلعوا كانهم يعرفوا بعض من زمان كانهم كانوا بيخمسوا في سيجارة سوا او كانوا بينطوا سور المدرسة مع بعض ويرحوا يلعبوا كورة في الشارع ..الصداقة دي بقي حاجة غريبة ممكن واحد من الاصدقاء دول يكون سنه كبير شوية عن التاني وشعره شاب من البلاوي اللي شافها والتاني يكون رقيق وقطقوط وكلمة ميرسي بتطلع منه زي العسل و عارفة بقي الصداقة دي يعني ان الصديق يحافظ علي مشاعر صديقه وعمره مايقول حاجه جارحه تضايق التاني والصديق الحقيقي دمه يفور ويزعل لو حد مس ولا زعل صديقه والغريب بقي ان الصداقة دي ممكن تجمع بين واحد متعلق من عرقوبه في بلد غريبة والتاني قاعد بعيد بعيد في حته من الجنة اسمها الرصافة

Monday, September 12, 2005

النظرة المستقبلية للانتخابات المهلبية

انفض المولد والنتيجة كما هي متوقعة استمرار السيد الرئيس حسني مبارك في قيادة البلد الي الخراب النهائي واستمرار النهب المنظم واستنزاف ثروات البلد و استمرار العناء علي قطاعات الشعب المختلفة ويبدو ان قدرنا ان نري وجه السيد الرئيس الضاحك !الي ان ينزل القضاء الالهي وانا شخصيا اتوقع تكرار النموذج الباكستاني في مصر فبعد عمر طويل !!!يموت السيد الرئيس علي فراشه ثم يقوم بعض ضباط الجيش بحركة قرعة مباركة بموافقة الادارة الامريكية بالطبع ويصبح الكلونيل جنرال والجنرال رئيس جمهورية وتتغير الاسماء لكن الجوهر يبقي واحد ديكتاتورية عسكرية ...عزائي الوحيد لا اظن ان في مننا 3 مليون اهبل حيمشوا في جنازة مبارك

Friday, September 09, 2005

كلمة من القلب لسيادة الرئيس


نيابة عني وعن الملايين المقهورة نقول لسيادتكم .....خد

Sunday, August 28, 2005

العبث واللامعقول

نعشق العبث نحن ونقدس الكوميديا السوداء في اصرار غريب ...انظر علي ما يحدث الان ...جنرال عجوز بدرجة رئيس جمهورية كلمة الفشل الزريع وجدت في اللغة من اجله ..لا يتورع في صبغ شعره ولبس ملابس زاهية تليق بشاب في ربيع عمره لتسويق نفسه لفترة رئاسية اخري بالرغم من خراب البلاد وطفشان العباد ويجد بالرغم من ذلك من يصفق ويهتف من اجله ..عبث في عبث ..نسوة ينفقن ساعات طويلة للعناية بشعرهن وبعد ذلك يضعن عليه قطعة قماش علي اساس انه عورة مثل الاعضاء التناسلية بالضبط ..عبث في عبث ..نهتف ونغني ونستشهد في حروب خاسرة لوطن لايجد اي غضاضة في ان يضع اصبعه في مؤخراتنا ..نتشدق بالكلام عن الفضيلة والعفاف... والحرمان والجوع الجنسي يفترسنا والدليل النظرة الدونية التي ينظر لها الاغلبية للنساء...المساواة التي هي واجب كفله الدستور اصبحت نكته بايخه لاتجد حتي من يضحك لها ..عبث في عبث ...عندنا مجلس قومي لحقوق الانسان والتعذيب هو القاعدة في اقسام الشرطة.. عبث في عبث ..نلعن امريكا في السروالعلن ونحن نعتمد اعتماد اساسي علي المعونة التي تقدم الينا كل عام ..اشعل سيجارتي الاخيرة واتحسس وجهي لاتاكد من اني لاازال احمل ملامحي الادمية..

Sunday, August 07, 2005

After having a six pack

ملحوظة اكتشفتها ولقيت نفسي في حالة استعجاب شديدة يا جماعة انتم مش ملاحظين ان الراجل اسمه مبارك من البركة والمباركة ويمكن من الابراك والتاني اسمه نظيف من النظافة وطهارة اليد والحقنة التالتة اللي اسمه سرور من السرور والانبساط والعادلي من العدل!!!! و ابو الغيط بتاع الزراعة او الخارجية اهو كله واحد.... كاننا بنتفرج علي فيلم لميكي ماوس ...علي الحرام الناس دول بيشتغلونا لو فتشنا علي اسمايهم الحقيقية حنلاقي بلبل وعتريس وبرعي وابو شفة والعفش و بعدين الموضوع باين عليه عالمي مش محلي صدام من التصادم والصدامات اللي حطت علي دماغه وبوش جاية من بوش يعني شعر العانة والظواهري الله يخرب بيت اهله من ظهوره كل شوية علي شاشة الجزيرةوفهد اللي جاية من الفهد وهو حاجة كدة شبه مرات الاسد وملحوظة تانية باسمي ونيابة عن كل المصريين في الخارج اعارض ترشيح السيد الرئيس بلبل لفترة رئاسية خامسة وبنقول لسعادتة كفاية عليك كدة يا بلبل وملحوظة تالتة مش حشرب هينيكن تاني علشان تقيلة وطعمها وحش وبتخليني افكر افكار غريبة

Sunday, July 31, 2005

الديكتاتور الابدي

ايه الحكاية يا جدعان هو عزرائيل ده منوفي ولا ايه؟

امبارح كان عمري سنتين جا جا جوجو

ايه يا منير ده حرام عليك هي نقصاك انت التاني

احنا بتوع الفانلة

اتصل بي احد الاصدقاء المصريين ودعاني للذهاب معه الي وسط مدينة نيويورك لتبديل فستان كان قد اشتراه لخطيبته في مصرو بعد ذلك لم يعجبه اللون فقرر تغيره ..صديقي الذي اشتري الفستان من محل ميسي الشهير في فرع ولاية نيوجيرسي وطبقا لمكالمة خدمة العملاء اللون المطلوب موجود في فرع نيويورك وكل ماعلينا هو الذهاب الي هنالك للتبديل ....نيويورك التي تعيش الان حالة من القلق بعد تفجيرات لندن الاخيرة ويقوم البوليس الان بتفتيش شنط الركاب في محطات قطار الانفاق تحسبا لوقوع اي مصيبة لاقدر الله وبما اني فاضي رحبت بالامر وقابلني صديقي العزيز في الشارع مرتديا فانلة كان اشتراها من الاقصر عليها كلمة ايجيبت بخط كبير دخلنا المحل الكبير واخذنا نبحث عن الفستان المطلوب وبعد السؤال وجدنا اللون المطلوب واخذنا الفستان الي الخزينة قامت العاملة علي الخزينة وهي سيدة بيضاء في منتصف الاربعينات باخذ السيدة التي كانت خلفنا في الطابور اولا وهي حركة غريبة لكن وبما ان الموضة في الصيف كل صيف هي التشليح التام فليس هنالك مشكلة ان الواحد يستني في الطابور يتفرج شوية و بما ان التكييف ايضا شغال عال العال فالواحد الان في حالة من السرور والاسبهلال المهم جاء دور صديقي الذي يتحدث الانجليزية بلكنة امريكية سليمة احسده عليها حيث لاتزال عندي لكنة شرق اوسطية احاول التغلب عليها بعوجه لساني كاني متربي في بروكلين مش كيلوباترا الصغري ومع ذلك لساني بيفضحني احيانا..ذهب صديقي الي الخزينة وشرح لها الموضوع بادب ولطف فقالت له بحده معاك الوصل؟ اعطاها الوصل بهدوء اجابته بنفس الحده انت اشتريت الفستان من نيوجيرسي مش كده؟ الله امال يعني من شبرا ..قال لها صديقي في ادب وصوت منخفض نعم قالت له في صوت عالي لابد ات تتدفع ضريبة مبيعات نيو يورك علي الفستان قال لها في صبر الانيباء انه دفع الضريبة في نيوجيرسي صرخت في وجهه بوقاحة لا هنا في امريكا ...هنا في امريكا!!!!! الولية الهبلة فاكره اننا لسة جايين من علي المركب وحتدينا درس قال لها صديقي البارد التلم بهدؤ غريب وصرامة المعاملة دي غير مقبولة انت اسمك اية وفين رئيسك علشان نقدم شكوي وفجاءة قامت الولية المجنونة بخلع التاج اللي عليه اسمها بحركة عصبية ورمته علي الارض وجرت الي اخر المكتب ورفعت التليفون وصرخت فيه وتكهرب الجو وبعد الناس من حولنا كاننا جربة مثلا وجري علينا اربع تيران لابسين بدل شايلين لاسلكي تكلمت مع واحد منهم يشبهة متولي مرزوق بتاع شاهد ماشفش حاجة وشرحت له كل حاجه بسرعة وعن المعاملة السيئه اللي شفناها وشاورت له علي الوليه المهبوشة التي كانت ترتعش وتقول لحارس الامن علي نظراتنا الشريرة ...يا نهاراسود دي عايزة تودينا في داهية نظرة ايه الشريرة ده صاحبي لابس نظارة ومش بيشوف وانا كنت ببص علي صدر البنت الامورة اللي واقفه جانبي فين النظرة الشريرة دي؟ هز حارس الامن راسه وقال لي بصوت منخفض اسف وهنا عرفت ان الولية ليها سوابق وبسرعة حضرت مديرتها وهي سيدة سوداء ذات ابتسامة جميلة وقامت بانهاء كل شئ وصرخت في الولية المهبوشة تعالي هنا حطي الفستان في الكيس وقولي له شكرا وانتهي الموضوع علي خيروخرجنا بالسلامة وانا لاازال انظر علي صدر البنت الامورة ...

Sunday, July 24, 2005

الامن وسنينه

المؤمن لايلدغ من جحر مرتين..مثل لا ينطبق علي الامن والشرطة في مصر ليس لانهم غير مؤمنين لاسمح الله انما بسبب ان العملية الامنية عندنا قايمة علي الفهلوه وفرد العضلات والتعذيب والنفخ والاغتصاب وزج الابرياء في المعتقلات ماعدا ذلك فغير موجود علشان كده بنقول يا رب احفظ اهلنا وضيوفنا من القتلة والسفاحين واحفظ اهلنا وضيوفنا من الامن والشرطة برضه

Thursday, July 14, 2005

الصحافة القومية ..كاقدم مهنة عرفها التاريخ

بلوي في مصر المحروسة تسمي الصحف القومية التي يبدو ان الذي وضع اساسها كان الخواجة جوبلز بتاع المرحوم هتلر فهي ليست الا بوق دعاية رخيص للنظام تحتوي علي اطنان من المديح الفاشل وقدرة عجيبة علي قلب الحقائق اواخفائها بالمعني الاصح ....السؤال... الناس اللي بتكتب في تلك الصحف بيشربوا ايه بالظبط ؟ الاجابة... لا مش موضوع شرب ..الموضوع هو تحويل الصحافة الي مهنة اخري تدر ربح كبير وهي مهنة الدعارة والدعارة هنا موجهة الي الحاكم فهو الزبون الوحيد ولابد من ارضائه بكل الطرق ...فاما القراءة التقليدية لتلك الصحف وهنا انت معرض للاصابة بارتفاع بضغط الدم وانتفاخ مزمن وممكن الواحد يطق يموت لاقدر الله او تاخذ بكلامي و تنظر الي ماهو مكتوب امامك في تلك الصحف علي انه مجرد رج ارداف وهز مؤخرة وبالتاكيد النزول علي الركبتين وكل هذا في سبيل اسعاد الحاكم وطز في الشعب كله ...اما بالنسبة لممارسي مهنة الص..عارة قيل قديما ان لم تستح فاصنع ماشئت وقيل حديثا اخيييييي بصحيح

Sunday, July 10, 2005

الراي ...الراي

موسيقي الثورة ضد لولاكي واخواتها اكتشفتها اوائل التسعينات ..ديدي للشاب خالد كانت تجربتي الاولي لسماع شئ جميل جدا تندمج معه بسهولة بالرغم من صعوبة اللهجة و عدم معرفة بالظبط ماذا تعني الاغنية بالرغم من ذلك وجدتها قريبة من قلبي كانها شئ سحري اذكر والدي وتعنيفه لي انت بتسمع ايه ده واحد بيولول محبتش اقوله نفس الكلام علي فريد الاطرش ...موضوع جيل مختلف...وكعادتنا كمصريين نسخر من شئ نخاف منه او لانفهمه اخذنا نطلق النكات عن اغاني جميلة تتحدث عن الحب والغربة والهجر ومخلوق جميل اسمه المراةوعلي الشيخ الجليل عبد القادر الجزائري الذي اكن له كل احترام بعد معرفتي انه في فترة نفيه الي دمشق حاول بعض الجهلة الفتك بالنصاري واليهود من اهل البلدة فقام البطل عبد القادر الجزائري بحماية الاقليات واعلن رفض الدين لتلك الافعال الي ان رجعت المياه الي مجاريها ...الي الان لااعرف سر اعجابي بموسيقي الراي كانها في دمي كاني سمعتها من قبل ..اؤمن بالحياة الاخري يعني انا كنت موجود في زمن ومكان اخر في صورة اخري يمكن كنت واحد من الامازيغ الشجعان اوجندي من جنود هاينبال رايح معاه افتح الدنيا

Friday, July 08, 2005

شكرا يا اوساخ

شكرا يا اندال يا حثالة علي العمل الوسخ اللي عملتوه في لندن..شكرا علي قتل الناس البريئة اللي ادولكم لجوء سياسي في بلدهم فكان ده رد فعلكم ياكلاب ..شكرا علي انكم اثبتوا ان الضرب بالقنبلة النووية حلال فيكم ...شكرا علي ان اهلي وناسي مستحيل حيخدوا فيزا لاوربا بسببكم ...شكرا علي العنصرية والبهدلة والتفتيش الذاتي وقلع اللباس اللي بيحصل وحيزيد في المطارات يعني مكتوب علينا نشوف وشكم القذر العمر كله .... شكرا علي وصم حضارتنا وثقافتنا وكل مانؤمن بيه بالبربرية والدموية .....شكرا علي الجبن والعهر مع الاعتذار للعهارة شكرا علي الخساسة واللواط العقلي اللي انتم عايشين فية ...شكرا يا ولاد القحبة

Wednesday, July 06, 2005

عمل علي ...رجل نملة*

يا جدعان احنا معمول لينا عمل ..ولازم نلاقي الجمل قصدي النملة علشان نفكه ...الحكاية وما فيها الاخبار التي تتحدث عن نية ابو غزالة لترشيح نفسه لرئاسة الجمهورية وان له اتباع كثيرين وان بعض رموز التيار الديني يؤيدونه بقوة ....يا نهار اسود يعني من عسكري الي عسكري ويا قلبي لاتحزن......بالنسبة لي مبارك وابو غزالة وجهين لعملة واحدة وهي الفاشية العسكرية التي تمتص الشعب المصري منذ سنين بعيدة وهي نتاج لسياسة احتقار الشعب المدني ومعاملته علي انه عسكري مخله مدة جيشه العمر كله ..الاخ حسني اللي كل مؤهلاته حكاية طيارة فوق فوق وحبيبي تحت تحت... اما الاخ ابو غزالة فاكبر انجازته هي بناء مدينة للظباط في الاسكندرية علي ان اساس ان ظباطنا يا حرام عالم فقرا وغلابة وليس لهم اي امتيازت ولاحاجة ولا نوادي علي البحر في كل حته ولا حاجة ولا عربيات بيخدوها بتراب الفلوس ولا حاجة ولابدالات واراضي ببلاش ولاحاجة .....الحاجة العجبية التدليل الشديد لهم بالرغم ان اخر انتصار عسكري حاسم كان لما احمس اما طرد الهكسوس!!! المشكلة ايضا في حكاية التحالف الغير مقدس اللي بين الكهنة والعسكر لتبرير الديكتاتورية واعطائها صبغة دينية علي اساس ان ربنا عايز كدة ..... عايزين مرشح يضع برنامج انتخابي يقول فية ان الناس في مصر سواسية مفيش فرق بينهم يقول فية ان النظام قائم علي اساس تعدد السلطات يقول فية ان الحكم مدني يقول فية علي سيادة واحترام القانون ده اللي احنا عايزينه مش ابو غزالة وابن عرسة ....عندي احساس ان سبب مصايبنا هي لعنة الفراعنة ادعوا ورايا وقولوا اللهم اخرب بيت اللي فتح مقبرة توت .....امين

Monday, July 04, 2005

اسكندرية ....من تاني

عشقي وصليبي ....مدينة مسحورة ملونة بالازرق خلقتها الالهة وخلق البحر من اجلها...اسكندرية بنت الاسكندر العروسة ست الكل ...تخبطك رائحة اليود فتسحرك كالمجذوب (الاطلنطي الذي لا لون ولا رائحة له) هل مازلت تتساءل عن معني الاسكندرية؟ يعني 24 سنة حلم جميل من عمري....يعني شوارع الانفوشي الضيقة التي بناها القراصنة بعد دفن الكنز... يعني بوسة خدتها في المنتزة قعدت بعد كدة شهرين علي وشي ابتسامة عريضة....يعني اكلة عند ابو ربيع وجيلاتي من عند عزة عالبحر وحجرمعسل سالك علي القهوة في الابراهيمية.....يعني فسحة اسمها الترام ...يعني رائحة سوق السمك في باكوس ورائحة البن البرازيلي في سعد زغلول ..يعني المرسي ابو العباس في شهر رمضان والمرقسية في عيد القيامة ....يعني طيبة ابويا وحنية امي وبكاء جدي يوم السفر....يعني شوية (نطرة.( في الشتاء وضحكة نونو عنده شهرين تلاتة .....يعني صحابي الجدعان (عمري ماشفت فيكي يا اسكندرية ..ل واحد
يعني الاتحاد اللي دايما كاسفني وبالرغم كده مش عارف لية بحبه علي راي المثل السكندري الاتحاد ده دودة مش عارف انزلها !!!!...يعني فيلم لفان دام في سينما ستراند يوم العيد ...يعني قصة لتولستوي من معرض الكتاب الروسي ....يعني تمشية عند بيرمسعود في ليلة من ليالي نوفمبر الباردة ورائحة الفل في ليلة ربيعية عند شارع الاذاعة
يعني حتة دين بنت سمرا ضحكتها روعة اتباهي بيها قدامكم واقول حبيبتي و بعد كدة اوصف لكم كل حتة من جسمها الفاتن
اسكندرية يا ملاكي امتي حارجع ليكي من تاني؟؟؟

Thursday, June 30, 2005

علي عوض .....في البحرين

خبر في جميع القنوات الاخبارية في التليفزيون ان مايكل جاكسون سوف يسافر بدعوة شخصية من ملك البحرين لقضاء اجازة علي شرف الاسرة الحاكمة ......؟؟؟؟ مش عارف لية؟؟ قاعد اهرش في دماغي باحاول اجد تفسير لدعوة واحد منحرف زيه بيجد متعة في الاعتداء الجنسي علي الاطفال والله مش فاهم.... مايكل جاكسون استطاع ان يفلت من العدالة بسبب انه مشهور وللاسف في امريكا لو كنت غني ومشهور العدالة سوف تختلف .... طب الاخ ملك البحرين عايز يشوفه لية؟؟؟ انا خايف في البحرين مايكل جاكسون يشوف اعلان ابتسامة مصر مبتناسيش .... وكرباج ورااا يا اسطي

السياسة من منظور تحتي

نقلا عن صحيفة القدس العربي اللندنية ان الاخوة في ايران بعد الفحص والتمحيص في ان السبب الرئيسي لعداء الادارة الامريكية الحالية للنظام الحاكم في طهران هو ....امسك اعصابك هو ان كونداليزا رايس كانت علي علاقة زمان ايام الجامعة بطالب ايراني وانه بالمصري اداها بمبة وعلشان كدة من كتر الشوق والهجر والحرمان زعلانة من الايرانيين ...... وان الحاج البرادعي مسؤل الامم المتحدة مطنش علي البرنامج النووي الايراني بسبب ان زوجته من اصل ايراني انتهي الخبر .....ياسلام اية الحلاوة دي القدرة الغريبة لاختذال كل شئ الي الفحولة الجنسية وما بين افخاذ النساء ليس السبب الديكتاتورية واهدار حقوق الانسان والاقليات ليس السبب ان الامم المتحدة اصبحت مجرد خيال ظل لا السبب في ان العالم كله يكرهنا هو الجنس نظرية الفاعل والمفعول المسيطرة علي العقلية الشرق اوسطية كلامنا جنس قهوتنا جنس وحياتنا المقهورة جنس بعد ذلك نتحدث عن الاخلاق 24 ساعة في اليوم ونرجم المراة بقلوب باردة و نرفض كل الرفض اعطاء الانسان حق تقرير مصيرحياته
الاخوة في ايران محتاجين مهادئات جنسية والله اعلم

Wednesday, June 29, 2005

حبيبة قلبي ...... نورما شيير


حب من اول نظرة شوفوا عنيها جميلة ازاي نورما شيير ملكة هوليود المتوجة في الثلاثينات والاربعينات وقعت في حبها من اول نظرة سحرتني العيون زي مابيقولوا في ليلة سودة ماجليش فيها نوم ومكانش في سجائر ومش عارف انام فتحت التليفزيون علي تيرنر كلاسيك وهي قناة مختصة بالافلام القديمة وكان في فيلم وثائقي عنها شدني قعدت اتفرج عليه لحد 3 صباحا اول حاجة تشدك شخصيتها والجاذبية الطاغية والتلقائية الشديدة في التعامل مع الرجال المدهش ان قوانين الرقابة في الثلاثينات اتغيرت واصبحت اكثر تشدد بسبب ان نورما شيير غيرت العلاقة بين الرجل والمراة في افلامها واظهرت جانب رغبة المراة اللي مكانش موجود قبلا في الافلام اعتزلت السينما وهي في اوج عزها في منتصف الاربعينات و ماتت وحيدة في بيت للمسنين في الثمانينات .... مش حاجة تزعل برضه
this post is for you Irene , you are always in my mind

Tuesday, June 28, 2005

بيان من الجبهة الشعبية لمكافحة التعريص


اه ... من يوقف في راسي الطواحين؟ومن ينزع من قلبي السكاكين؟ومن يقتل اطفالي المساكين لئلا يكبروا في الشقق المفروشة الحمراء خدامين ....مابونين ....قوادين
هذه الارض التي ما وعد الله بها من خرجوا من صلبها وانغرسوا في تربها وانطرحوا في حبها مستشهدين ! ..... فادخلوها بسلام امنين
العظيم امل دنقل
ملحوظة التعريص كلمة تطلق في شوارع مصر المحروسة علي القوادة وملحوظة اخري الجبهة الشعبية لمكافحة التعريص ج ش م ت !!! من تاليفي انا وانا هو العضو الوحيد بها (الي الان ) وليس لها اي قريب او بعيد بالاخوة والاخوات الذين قاموا بتصميم البوستر الرائع

Monday, June 27, 2005

يعني اية كلمة وطن؟

اشعر بحالة من القرف الحزن الخجل الشديد بعد مطالعة الشهادات البشعة عن تعذيب النساء في اقسام شرطة مصر المحروسة تستطيع قراءة الشهادات كاملة عند منال وعلاء وسوف يصفعك السؤال عن معني كلمة وطن ينتهك فيه حقوق الانسان ويغتصب فيه البسطاء ويمارس فيه اسلوب النازي في التعامل مع الشعب و عن معني كلمة وطنية والعدو (الوطني) بيننا يطالعنا كل يوم بوجهه القبيح تحلم مثلي بالمنقذ وسيف العدل وراية العقاب ساطعة في الاوج و لكن تصحوا علي كافور وشفته المثقوبة والرجولة المسلوبة وتقسم علي انه لابد ان ياتي المهدي في يوم من الايام

Friday, June 24, 2005

الريس ابن البوسطجي

ابوه كان بوسطجي مش باشا ولا وزير جده كان فلاح صعيدي مش امير من الف ليلة وليلة يعني كان واحد مننا عبدالناصر شخصية عجيبة علاقتي به موزعة بين الاعجاب الشديد والحيرة,جدتي الله يرحمها كانت معجبة به جدا تتكلم عنه كانه واحد من العائلة بتاعتنا كان عندها اطنان من مجلات المصور تاريخها يرجع للخمسينات والسيتينات من القرن الماضي كنت اقعد اقراء بالساعات عنه تشوفة في دمشق ايام الوحدة لما الناس شالوه بالعربية بتاعته وتشوفه و هو الشارع في القاهرة والناس زحمه حواليه عايزة تسلم علية اية الموضوع? الوطنية ,عبد الناصر زرع الوطنية في قلب جدتي وقلب الناس اما انا ساعات احس انه الفارس الاخير وساعات العن ابوه علي اساس انه السبب في ان اشباه الرجال في بلدنا لسة بيحكمونا بص في صورة خطاب التنحي بص في عينه حتشوف ايزيس بتبكي اوزاريس لا بص في عينه كويس حتشوف صائد الدبابات وحتشوف العلم مرفوع علي الضفة التانية ,هو ده عبد الناصر,استئذن حضراتكم سوف اضع عبد الناصر في دولابي تاني واقفل عليه

Wednesday, June 22, 2005

انا مين ؟؟

اناواحد مصري مغترب بحب مصر وبعشق اسكندرية نفسي وطني يصحي علي ديمقراطية وحرية سياسية وانتخابات حرة ومساواة وعدالة اجتماعية انا مش اشتراكي ولاشيوعي لاناصري او وفدي بالرغم اني بحترم كافة الاراء السياسية والمذاهب التقدمية الي بتسعي لمصلحة مصر انا عندي ايمان بالقومية المصرية البوتقة الي تجمعنا كلنا للوصول لمستقبل افضل

الطائر الحزين

الاولة اه

ضروري اكتب ,حاسس بداخلي اشياء كتير لازم اعبرعنها ,كنت فاكر نفسي وحيد لكن اكتشفت ان في ناس كتير بتشاركني امنياتي ,ناس مثلكم عايزة بلدنا مصر ام الدنيا تكون احسن واحسن.بشكر علاء ومنال وواحدة مصريةويحيي مجاهدوحمكشة.يلا ملعون ابو الغربة علي ابو الجرين والاولة اه
Free Website Counters