Friday, July 08, 2005

شكرا يا اوساخ

شكرا يا اندال يا حثالة علي العمل الوسخ اللي عملتوه في لندن..شكرا علي قتل الناس البريئة اللي ادولكم لجوء سياسي في بلدهم فكان ده رد فعلكم ياكلاب ..شكرا علي انكم اثبتوا ان الضرب بالقنبلة النووية حلال فيكم ...شكرا علي ان اهلي وناسي مستحيل حيخدوا فيزا لاوربا بسببكم ...شكرا علي العنصرية والبهدلة والتفتيش الذاتي وقلع اللباس اللي بيحصل وحيزيد في المطارات يعني مكتوب علينا نشوف وشكم القذر العمر كله .... شكرا علي وصم حضارتنا وثقافتنا وكل مانؤمن بيه بالبربرية والدموية .....شكرا علي الجبن والعهر مع الاعتذار للعهارة شكرا علي الخساسة واللواط العقلي اللي انتم عايشين فية ...شكرا يا ولاد القحبة

8 Comments:

Blogger eskandarany said...

أنا نفسي أعرف ولاد الكلب دوول عايزين ايه بالظبط........... مش معقول دوول مننا ده بجد يا ناس احنا اتربينا كويس اووي كلنا امّال دووول جم منين أحنا العرب والمسلمين والمسيحيين نبرأ من ما فعلوه وانا أضم صوتي اليك واقول سلمونا المنفذييين واحنا ناكولهم باسنانا............. دوول خونة لكل ما هو جميل في حياتنا.

8:30 AM  
Blogger Hany Mihanny said...

انا مش فاهم حاجه مين ولاد الكلب اللي بتشتموهم وبتشتموهم ليه
.......
جايز يكون أقصدكم علي الأمريكان واللي عملوه في فيتنام وافغانستان والعراق
.......
ولا قصدكم الانجليز بتاريخهم الاستعامار ومجازر الهند وعنصرية جنوب افريقيا
.......
ولا فرنسا بلد العلم والنور والملايكه والجان بلد سارتر وجودارومجازر الجزاير وتشويهم لحضارة المغرب
.......
حقيقي مش فاهم اعذرو جاهلي

9:04 AM  
Blogger ربيع said...

ولاد الكلب اللي انا باقول عليهم البهايم
البهايم مجموعة من الناس فاكرين ان جالهم وحى من ربنا بيامرهم بقتل الناس جميعا ، البهايم هم الناس اللي لما تسمع اخبارهم تبقي عايز ترجع ، البهايم هم الناس اللى ماعندهمش احترام لاي حاجة في الدنيا

12:07 PM  
Blogger ابن مصر said...

صباح الخير عليكم... الاخ اسكندراني كلامك اوافق علية مائة في المائة وشكرا علي المرور

عزيزي يحيي صدقني العمل الاجرامي ده مالوش اي دعوة بالعراق وفيتنام العمل الاجرامي ده خلفه قتلة وسفاحين متخصصين في ترويع الناس وقتلهم باسم الله الذي هو برئ منهم .....مامعني عملهم الاجرامي ده في عاصمة حدثت فيها اكبر مظاهرة في العالم ضد الحرب والغزو مش فاهم اي منطق ده ...حقوللك علي حاجة ..سنة 2003 قابلت في محطة الاتوبيس المركزية في نيويورك سيتي.. شاب امريكي في العشرينات معاه البنت بتاعته وشايلين علم كبير للعراق و قال انه مسافر واشنطن العاصمة للتظاهر ضد الغزو والحرب في مظاهرات مشي فيها عشرات الالوف من الامريكان ضد التدخل العسكري و ضد الجيش الامريكي نفسه...قصدي ان في ناس كتير سواء امريكان او اوربيين ضد سياسة حكومتهم يروح يجي ولاد العبيطة دول يفجروا قنابل ويقتلوا ناس ابرياء وبكرر ان الموضوع ليس له اي علاقة بالعراق من وجهة نظري

ياعم سبرنج مبروك علي البلوج يا استاذ اتشرفنا بمعرفتك وحظ سعيد

12:22 PM  
Blogger Hany Mihanny said...

اوافقك في وجهة النظر ..ولاكن اعتراضي كان علي الطرح
الموضوع اكبر من انه يتحول الي سنفوبية ردح ..ساتحدث عن ذلك قريبا
وشكرا علي توضيحك
سلام

1:45 AM  
Blogger ابن مصر said...

ماشي الحال ..مستني كلامك عن الموضوع علشان اردح شوية كمان (: وسلام

4:11 AM  
Blogger mahmoud zidan said...

يا اخى والله عندك حق
انا باشك احيانا كتير ان الناس دى مش عرب ولا مسلمين .. وان دول تبع امريكا
لان فعلا مالوش لازمة الكلام ده .. وموت الابرياء دول مش ح يحل مشكلة فلسطين ولا العراق ولا غيره .. بالعكس ده ح يدى لامريكا الدافع انها تبهدلنا او تضربنا بالقنبلة الذرية زى ما انت قلت ... لا حول ولا قوة الا بالله

11:42 PM  
Blogger ابن مصر said...

والله يا محمود انا بحترم وجهة نظرك بس باختلف معاك في موضوع امريكا مش معقول كل مصيبة تحصل يكون وراها امريكا لاتنسي ان في ناس بيننا الخراب معشش في عقولهم اتفق معاك ان وراء الموضوع ده اعداءنا بكل ماتعنيه الكلمة

11:40 AM  

Post a Comment

<< Home

Free Website Counters