Wednesday, July 06, 2005

عمل علي ...رجل نملة*

يا جدعان احنا معمول لينا عمل ..ولازم نلاقي الجمل قصدي النملة علشان نفكه ...الحكاية وما فيها الاخبار التي تتحدث عن نية ابو غزالة لترشيح نفسه لرئاسة الجمهورية وان له اتباع كثيرين وان بعض رموز التيار الديني يؤيدونه بقوة ....يا نهار اسود يعني من عسكري الي عسكري ويا قلبي لاتحزن......بالنسبة لي مبارك وابو غزالة وجهين لعملة واحدة وهي الفاشية العسكرية التي تمتص الشعب المصري منذ سنين بعيدة وهي نتاج لسياسة احتقار الشعب المدني ومعاملته علي انه عسكري مخله مدة جيشه العمر كله ..الاخ حسني اللي كل مؤهلاته حكاية طيارة فوق فوق وحبيبي تحت تحت... اما الاخ ابو غزالة فاكبر انجازته هي بناء مدينة للظباط في الاسكندرية علي ان اساس ان ظباطنا يا حرام عالم فقرا وغلابة وليس لهم اي امتيازت ولاحاجة ولا نوادي علي البحر في كل حته ولا حاجة ولا عربيات بيخدوها بتراب الفلوس ولا حاجة ولابدالات واراضي ببلاش ولاحاجة .....الحاجة العجبية التدليل الشديد لهم بالرغم ان اخر انتصار عسكري حاسم كان لما احمس اما طرد الهكسوس!!! المشكلة ايضا في حكاية التحالف الغير مقدس اللي بين الكهنة والعسكر لتبرير الديكتاتورية واعطائها صبغة دينية علي اساس ان ربنا عايز كدة ..... عايزين مرشح يضع برنامج انتخابي يقول فية ان الناس في مصر سواسية مفيش فرق بينهم يقول فية ان النظام قائم علي اساس تعدد السلطات يقول فية ان الحكم مدني يقول فية علي سيادة واحترام القانون ده اللي احنا عايزينه مش ابو غزالة وابن عرسة ....عندي احساس ان سبب مصايبنا هي لعنة الفراعنة ادعوا ورايا وقولوا اللهم اخرب بيت اللي فتح مقبرة توت .....امين

3 Comments:

Blogger أحمد said...

ما أنا قلت لكم زمان
نكنس الهرم

9:10 PM  
Blogger أنا said...

طب ايه رأيك في البشمهندس عمر سليمان؟
بلاش تاخد واحد صفوت الشريف؟
حيرتني معاك!؟
طب يعجبك الواد اللي مترابي في بلاد بره..حلو ومسمسم..كويس يعني "يتنا.."..وابن جنيه يفكلك اجدعها عمل
......
يا عم البلد بلادهم يحكموها يركبوها هما حرين
وعلي المتضرر اللجوء لمقام الطاهره "أم هاشم"
ومدد

10:54 PM  
Blogger ابن مصر said...

منورين البلوج
نفسي في سعد الدين ابراهيم ..اه بس لو امريكا ترضي .... وبعدين البلد بتاعتنا مش بتاعتهم .. ومسيرها حتيجي قولوا يا رب

10:27 PM  

Post a Comment

<< Home

Free Website Counters