Sunday, December 18, 2005

اللعب بالنار

ماحدث في ما يسمي بانتخابات مجلس الشعب من فوز الاخوان بمقاعد المعارضة هو قرص فاليوم تعطيه لنا الحكومة بالشفاء... استخدام الدين لتحقيق المكاسب السياسية مرض مستوطن في بلدنا ..والتاريخ الحديث ممتلئ بالمأسي مثل اعلان نابليون بان سبب مجيئه لمصر هو الدفاع عن الاسلام الي الخزعبلات التي كانت تبثها اذاعة المانيا النازية الموجهة باللغة العربية اثناء الحرب العالمية الثانية التي جعلت البعض يروج لاشاعة الحاج محمد هتلر(قرأت عن ذلك في كتاب لمصطفي امين لااذكر عنوانه)مما ادي لتعاطف الجهلاء مع النازية... التاريخ الحديث ايضا يذكرنا بأن حركة الاخوان صنعها واحتضنها الغرب لضرب المد الشيوعي ولضمان استمرار النفوذ الغربي علي مصر وبالتالي علي العرب ..وانه بعد ان نكل عبدالناصر بالاخوان وجد الكثير من الاخوان الملجأ والملاذ في الغرب وخصوصا بريطانيا وبالرغم من ذلك فالاخوان انتشروا بمرور الزمن في كل مكان بتنظيمهم الدولي ومجلتهم الدعوة التي كانت تطبع في مصر وشعبيتهم الكبري خصوصا في المناطق الريفية لذلك لااعرف من اين جأت كلمة الجماعة المحظورة؟؟؟؟..لست من انصارنظرية ان النظام فوجئ بفوز الاخوان ..نحن نعيش في دولة بوليسية كل مايحدث فيها مرتب من قبل ولا مكان فيها للمفاجأت وهذا احد اسباب نجاح مبارك في التربع علي انفاسنا كل هذا الوقت.. النظام يريد الاخوان في مجلس الشعب لضمان استمرار تخدير الشعب يعني عايزين.. دين اديهم دين.. وفهم الاخوان لعبة السياسة جيدا بقبولهم الطاعة لولي الامر يعني عدم التعرض لمبارك وعائلته واستعدادهم لقبول علاقات طبيعية مع اسرائيل بالرغم من قولهم انهم لا يعترفون بها (؟) فكان لابد لهم من نصيب في الكعكة اما الاخوة في كفاية التي كن نلقي الامل عليها في التغير فقد صرحوا قبل الانتخابات بتصريح حنجوري يشجب الهيمنة الامريكية الامبريالية الي اخر هذا الكلام المنقرض اي بمامعناه بالعامي ....متعملوش حسابنا علشان احنا شيوعيين..وكان الاولي بهم التركيز علي مهاجمة النظام وعدم خلق اعداء بدون سبب..وجود الاخوان في الصورة يعطي دفعة للنظام اليميني الحاكم لانه والاخوان يتفقون في كثير من النقاط ويمهد لقيام دولة شبة دينية ..انا ضد فكرة الدولة الدينية ..خلط الدين اي دين بالسياسة هو اساس الخراب والدمار والمجازرالتي حدثت في الحروب الصليبية مثلا مثال واضح.. ما حدث في مايسمي بانتخابات مجلس ا لشعب هو مجرد تقسيم جزء من السلطة واعطائه للاخوان لاسباب سوف تتضح في المستقبل اما مجلس الشعب المذكور المشهور بسيد قراره فاقترح تغير اسمه الي سيد ز.و يمكن ده يمنع الاخوان من دخوله مرة اخري

8 Comments:

Blogger shady said...

طالما كانت الرجعيه والامبرياليه الغربية حلفاء على مر التاريخ
من أول نظام ال سعود مروراً بالحج اسامه الى الاخوان المسلمين الذين التقوا باخوانهم الامريكان بالامس فى برن
الكرة فى ملعب الاخوان وعليهم ان يرونا انهم يهتمون بقضايا الشعب البطاله والفساد والغلاء اكثر من اهتمامهم باغانى روبى
نجح الاخوان لانهم تنظيم وفشلت كفايه والاحزاب لانهم مجرد افراد فقراء لايملكون الكثير من حطام الدنيا
اجعل الاخوان حزباً والاحزاب جماعه ستفوز الجماعه ويسقط الحزب أيضاً

3:37 AM  
Blogger أنا said...

سرد التاريخ مش هيعفي من تهمة الخلط..بالطبع مقدرش انكر ان الاخوان تلقوا مد غربي مشبوه فيه في البداية لكن منقدرش ننكر انهم زي اي جماعة دينية اسلامية بيتعرضوا حاليا لضغوط وعمليات تطويق وتحجيم من الغرب وخصوصا امريما بعد 11/9
اما بخصوص ان فوزهم هو
تقسيم لجزء من الكعكة فردود افعال الحكومة في المرحلة التانية والتالته من الانتخابات ومساعيهم حاليا لتدارك التغيرات اللي حصلتت بتاكد ان ده حتي لو حقيقي فهو امر خرج عن نطاق سيطرتهم بسبب طبيعة الاخوان التأمرية مش عايزين نفرغ الامور من محتوياتها خوف من التسطيح مش اكثر
احنا فعلا بنواجه مد ديني غريب في مصر ومن فترة
بخلاف فساد الاحزاب والحكومة وضعف كفاية
أفتكر ان هانيبال نوه عن ده هنا
http://hanymahny.blogspot.com/2005/11/blog-post_26.html
كمان ممكن تتفرج علي يحي مجاهد وسولو وهما بينكشوا شعر بعض علي الموضوع ده برضه هنا
http://taranim.blogspot.com/2005/12/blog-post_14.html
طبعا حالة الجدل ديه هي الهدف الاكبر والاسمي احنا فعلا عايزين نحط الموضوع ده قدام عينينا الايام الجاية
واسف علي التعليق لو طويل

5:28 AM  
Blogger أنا said...

اه بمناسبة صاحبنا مشجع اتحاد جدة السعودي
في حاجة هنا علشانه
http://4magnoon.blogspot.com/2005/12/blog-post_19.html
بس خليك فاكر انه ولا بد عن يوم معلوم تترد فيه المظالم
loll

5:58 AM  
Blogger Ahmed Shokeir said...

طيب وإيه المشكلة ماكل شوية يحكمنا واحد مش عاجبنا .. يعني جت عليهم .. طيب ماتديهم الفرصة هما كمان خلينا نشوف .. بتقولوا لو مسكوا الحكم مش هايسيبوه ... هاها وهو مين مسكه وسابه قبل كده .. قصدى الحكم مش حاجة تانية .. ويجعله عامر

8:52 AM  
Blogger ابن مصر said...

شادي

معاك ان الغرب والسلفية بينهم علاقة اثمة غريبة تستعصي عن الفهم ..اذكر زمان ..معلش انا قديم شوية ..في منتصف التسعينات نشرث هجلة اليسار تحقيق عن الكابتن بن لادن اللي اسمه ساعتها مكنش مشهور علي اعتبار انه عميل مهم للمخابرات المركزية..شوف سخريات القدر

لا اظن الاخوان عندهم حلول دائمة للمشاكل في مصر ..الموضوع حيكون تعليم الشعب الادب والاخلاق هو الشاغل لهم. يعني مجرد مظاهر يا سيدي لكن فين الجوهر
علي فكرة يا بيه بتعلم من تحليلك السياسي حاجات كتير بالرغم من اختلافنا في اشياء اخري.. صباحو رايق

يحي مجاهد
والله حقولك علي حاجة انا عندي احساس انه بعد 11 سبتمبر ولا حصل تحجيم لاي حد ولا حاجة والدليل ان الامور في السعودية زي ماهيه مافيش اي تغير جزري كل اللي حصل انهم خفضوا صوتهم شوية لكن الوهاببية لاتزال موجودة والجهاد يا عمنا لسة شغال الله ينور..اما عن موضوع ان الامر خرج عن نطاق سيطرة الحكومة ..طب قولي ازاي زي ماقال شادي في لجان معينة تقدر تنتخب فيها مرشح الاخوان بسهولة ولجان في مناطق تانية الامن المركزي مقفلها عارف لية لان النظام بيعطي اوامر مختلطة والايد اليمين متعرفش الايد الشمال بتعمل ايه علشان ميبقاش فيه خطة واضحة انت تبقي مش عارف مين مع مين ومين ضد مين ..ملعون ابو ميكافيلي ده يا اخي

انا بتابع كتابات هانيبال بس هو بال علي مين ؟يخوفي يكون علينا واحنا مش واخدين بالنا ..:)صباحو مشقشق
علي فكرة انت حتلبسني تهمة والا ايه جدة مين ياد وعمة مين ..انا قلبي متوزع بين الاتحاد والاهلي
بس انا غيرك.. ببص للكرة المصرية بمبداء ايش جاب الغراب لامه:) يعني مش بتوقع اي رجاء منهم

احمد شقير

حقولك يا بو حميد ..المشكلة ان الاخوان بيحكومونا ومش بيحكومونا في نفس الوقت.. من ايام السادات وهما متغلغلين في كل حته انا فاكر زمان في اولي ثانوي يعني1987 مدرس الرياضيات كان اخوانجي وكانت السلسلة الفضة المعلقة في رقبتي هي مشكلته في الدنيا..وبعدين عارف عمرهم محيحكومونا بجد الا لو وصلوا للجيش لان الجيش يا سيدي الفاضل هو اللي بيحكم مش سيد قرارة والا الوزارة في العمارة و اللي يقعد عليه عمره محيقوم من علية بالساهل قصدي علي كرسي الحكم طبعا مش حاجة تانية
قشطة اللون:)

9:13 PM  
Blogger manwella said...

بص انا ماليش ف السياسه وللأسف مش جامده ف التاريخ,,,,,,,,,,,, كل اللى حيلتى شوية منطق ميتهيألى صعب الحكومه تكون قررت تدى الاخوان حته من الكعكه بجد,,,,,,,بس ممكن تكون استخدمتهم ك اّداه توصل بيها للغرب وللداخل كمان ان لو ما كانش تنتون يبقى تنتن يعنى انها لو قالت يا ديموقراطيه ح يكون الناتج ان الاخوان ح يحكموا.وده لا حيعجب امريكا ولا المثقفين ولاالاحزاب.ده ممكن يفسر تضارب الاوامر.لان الموضوع فعلا خرج عن السيطره.ماهو بصراحه لو حمار بيلعب ف دماغ الناس من منطلق دينى من ايام الاخوان ما بداءو يلعبوا كان زمانو نجح وخصوصا ان مافيش فكر بديل
,,,,,,,,ارجو التسامح مع جهلى السياسى

3:14 PM  
Blogger ابن مصر said...

مانويلا
ملكيش في السياسة؟؟؟؟
يعني احنا اللي لينا:)))))))))) وبالرغم من ذلك بنحاول نتناقش ونتبادل الاراء لمحاولة معرفة مايحدث
اتفق معك تماما في حكاية تنتون وتنتن ..والاثنان كما هو معروف انتن وانتن يعني حكومة فاسدة او متلاعبين بالدين يا قلبي لاتحزن لو تلاحظي الاثنان محتاجين لبعض بيلعبوا دور البطل والسنيد منذ فترة.وبعدين الاخوان الان في موضع قوة والمتعاطفين معهم كثير في كل مكان فاكرة زمان كانوا حزب الوفد هو حبيب الحكومة المعارضة الرسمية دلوقت الاخوان ..كل اللي انا متأكد منه ان الكل بيتأمر علي مصر لمصلحته الشخصية والشعب مشرد ومضلل
بشكرك علي الاكتشاف الجميل اللي اسمه
كامليا جبران
http://www.kamilyajubran.com
صوتها اكثر من رائع

5:37 PM  
Blogger will said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

4:55 AM  

Post a Comment

<< Home

Free Website Counters