Wednesday, November 30, 2005

عن كلينتون وهيما وودني واشياء اخري

يعتبرحكامنا في وطننا العربي السعيد انفسهم انصاف الهة لايجوز الاقتراب منهم ابدا الويل كل الويل من تسول له نفسه بالذهاب بجانب سيادتهم فعواقب الامور في انتظاره تماما مثل الاباطرة في الصين القديمة بالرغم من ان حكامنا اصولهم متواضعة ولا يجري الدم الازرق او اي دم في عروقهم لكن التكبرو التعالي هي صفتهم المميزة مش عارف علي ايه؟ حيث خيبة الامل راكبة جمل.. اقول هذا وانا اتذكر ابراهيم الحلاق المصري في جيرسي سيتي الذي كنت من زبائنه منذ 5 اعوام تقريبا قبل احداث سبتمبر اللعينه لاحظت مرة وجود صورة فوتوغرافية مكبرة علي حائط المحل يظهر فيها بيل كلينتون لابسا فانلة رياضية وشورت ونظارة سوداء وهو يعدو ورائه ابراهيم الحلاق وهو ناظرا للكاميرا ببلاهة ويظهر في الخلفية اثنان من حرس كلينتون وهم علي وشك الانقضاض علي ابراهيم
انا: مين ده يا هيما اللي انت بتجري وراه في الصورة ؟
ابراهيم: ده بيل كلينتون
انا: راسما علي وجهي علامة الاستحمار كلينتون مين ؟ الرئيس السابق بتاع البيت الابيض
ابراهيم: هو في غيره دانا كنت والمدام بنتفسح( لا اذكر بالظبط اين قابله اعتقد في مكان ما بولاية فرجنييا) وبناخد كام صورة علشان نبعتهم للحبايب في مصر .. وبعدين لمحتلك الراجل هو والحرس بيجروا في البارك( الحديقة) روحت جريت علشان اسلم عليه والحرس منعني لكن هو طلع راجل طيب وسلم عليا
انا: تاني مرة بقي تبقي تحاسب و..حاسب انت حاطط المقص علي ودني ليه؟
ودني المسكينة كان لها موقف مع حاكم من نوع اخر..الزمان صيف 1996 المكان محطة قطارات طنطا كنت هنالك لقضاء بعض المصالح و كنت في محطة القطارات منتظرا القطار للعودة الي الاسكندرية المحطة كانت نظيفة للغاية علي غير العادة السبب هو ان ابو جمال توافيرا للنفقات بالطبع سوف يمر بقطار الرئاسة ..المحطة كانت شبه مغلقة اجلس علي الكرسي الحجري وورائي قطار من قطارات الدرجة التانية و الثالثة العادية مزدحم بالركاب ومحاط بعساكر الامن وطبعا علي المساكين الانتظار ساعات في الحر الشديد الي ان يمر قطار الرئاسة ..لا اعرف من اين اتي.. فتي لايتجاوز عمره السادسة عشر جلس بجانبي يبدو انه ان استطاع الفلات من العسكر المحاطين بالقطار وظن انه بجلوسه علي الكرسي سوف يشاهد ابو جمال بطلعته البهية وهنا ظهر مخبر وسألني عن سبب جلوسي بالمحطة وطلب رؤيه تذكرتي وبعد ذلك سأل الفتي عن سبب جلوسه علي كرسي الانتظار واذكر بعد ذلك زوووووووو وصفارة في ودني اليمين لاول وهلة تصورت ان القلم نزل علي صدغ سعادتي كنت مخطئا بالطبع لان الكف نزل علي صدغ الفتي الصغير الذي صرخ من الالم الذي اخذ بعد ذلك شلوت محترم واخذ يجري وهو يعرج راجعا الي القطار الرابض في المحطة تشيعه لعنات المخبر.. احكي هذه القصة مرارا لاصدقائي الامريكان لتوضيح حالة حقوق الانسان المتردية في دولة تعتبر حليف امريكا القوي وان البلايين التي تذهب لمصر في شكل منحة عسكرية كل عام هي الوقود الذي يغذي الديكتاتورية الفاشية المتفشية في بلدنا التي لاتختلف من وجه نظري عن افعال صدام حسين للشعب العراقي
صدقوني اتفهم وجه نظر ابو جمال في الابتعاد عن الشعب لانه يعلم ان في حالة نزوله للشارع مثلا ان الناس لن يجروا لياخذوا صور تذكارية معه مثلما فعل ابراهيم مع بيل كلينتون بل هم سوف يجرون وراء سيادته في محاولة لعكمه علي قفاه العريض تقديرا لانجازاته الضخمة خلال الربع قرن الماضي ..

28 Comments:

Blogger خجل said...

خير خير ..اكيد بشرى خير

7:00 AM  
Blogger Taher said...

دا الحلاق وكلينتون
انا بدرس فى جمعة فى مصر وعلشان عادل امام وبعض الدبلوماسيين كانو جايين خدو اسماء وكارنيهات الطلبة قبلها باسبوع
اجراءات امن

6:06 PM  
Blogger Taher said...

تصحيح
جامعة

6:06 PM  
Blogger shady said...

ياخى الراجل بتاع بورسعيد راح يقدمهله طلب ضربوه بالنار قال ايه رايح يموته بسكينه سكينه مش مطوه قرن غزال حتى

4:49 AM  
Blogger MASRY said...

I wannan know something
when you see the situation in Egypt, do you feel it is better you are not living there?

1:32 PM  
Blogger ابن مصر said...

خجل
بشري اتجوزت

taher
يا استاذ طاهر في امريكا انت مواطن صالح طول ما انت بتحترم القانون وتدفع ضرايبك لا فرق بين كناس اوطبيب جراح الاثنان لهم نفس الحقوق ظابط البوليس في امريكا بيشتغل عندك علشان انت اللي بتدفع مرتبه من ضرايبك اعترف ان في تفرقة عنصرية عند البعض لكن عمرها ابدا ماتوصل للضرب والاهانه وحاحكي قريبا عن حكاياتي مع البوليس في امريكا خلاصة القول النموذج الامريكي هو الامل اللي اتمني في يوم من الايام يتحقق في مصر الحرية يا استاذ طاهر منعدمة في مصرو خدعوك فقالوا ان الشرطة في خدمة الشعب دول جستابو مش بوليس

shady
معرفش حكاية الراجل ده الله يرحمه صدق الخدعة
masry
i fell sorry for my family and friends . i wish we really experience freedom not that bullshit.

8:06 PM  
Blogger Q8ya said...

ههههههههههه

بالنسبة للموقف اللي حصلك هههههههه حصلنا كتييير

تلاقي الشارع زحممممممممه

لان موكب الامير حيمر .... وفي الآخر يطلع تمويه ههههههههههه


بس الحمد لله حكامنا بيصوروا ويسلموا علينا ...:)

11:57 PM  
Blogger أنا said...

طب كويس..انا مره والدي كان معزوم علي احتفالات ستة اكتوبر في نادي الجلاء هو والفامليهبتاعته, وبم أني ابنه لمؤخذه فلازم احضر لكن انا رحت بالتروماي مش في عربية السيد الوالد واول يا ابني ما انزلت في الشارع لقطني واحد قالي بطاقتك ..قلتله ليه , قالي مباحث ..قلتله وانا اشعرفني ان انت مباحث
راح ساحب علي اخوك الطبنجة وقالي كده مبسوط
طبعا قلتله مبسوط جدا يا باشا اتفضل البطاقة وشهادة الميلاد كمان اهه
هتسألني عن الحفلة : حلفة يمين طلاق ما انا داخلها ورجعت قعدة علي القهوة
يلعن أبوهم ولاد كلب

12:27 AM  
Blogger خجل said...

اتكوزت..خير ..خير برده

على فين في شهر العسل ؟

3:09 AM  
Blogger ابن مصر said...

q8tya
في حكم التصوير مع الحكام العرب ..لايجوز شرعا وتعتبر الصور صور اباحية والعياذ بالله ..والله اعلم
:)

يحي مجاهد
يا واد يا يحي هو ابوك حكومة والا ايه وبعدين بطل شعلقه في الترام في اختراع اسمه الميكروباص ايه ماسمعتش عنه؟
خجل
شهر العسل في شاليه في شارع البحر في طنطا
:)

11:28 AM  
Blogger خجل said...

طنطا .. ربنا يستر وحنا بنقول المحله فيها ازمه ليه..؟

11:48 AM  
Blogger ابن مصر said...

خجل
المحلة؟؟
اني واحدها فيهم المحلة الكبري والا المحلة الكبيرة

11:50 AM  
Blogger خجل said...

والله السكك كلها مفصوله ..والميه مقطوعه ..ويا عمو عاطل استر احنا في عرضك

11:54 AM  
Blogger ابن مصر said...

يستر ليه؟
هو حصل ايه بالظبط؟

11:57 AM  
Blogger خجل said...

زلازل في شرق آسيا مما أدى الى...

ويحك كيف تسأل ألم تعلم بما حل بنا
؟

ويحك ..انها المهزله اذا

فينك يا امريكا ..فينك يا منظمة حقوق الانسان..فينكوا يا ابناء مصر


وامجاد يا خجل

12:02 PM  
Blogger ابن مصر said...

خجل
انتي باين قصدك
ويحي با ويحي رمضان جانا
بس رمضان خلص

12:05 PM  
Blogger خجل said...

ما تفكرني برمضان..مش كان رمضان خالص ..ده كان حرام..

وهنا نناشد ابو الهول ..ان يتنازل وينخر اسفلا مناشدا معنا ومع الجميع..باللي هما عيزينه

ولا اراكم الله مكروها في عزيز لديكم

وشكرا عشان رايحه اصلي العشا

12:10 PM  
Blogger ابن مصر said...

خجل
حرما

12:12 PM  
Blogger خجل said...

جمعا يا اخي

شوف مش تعلق بعد تعليقي ده مشان بدي كون انا في الآخر مشان تحل عليك بركاتي

12:15 PM  
Blogger ابن مصر said...

خجل
بركاتك؟؟
ليه هو انتي حبة البركة؟

12:18 PM  
Blogger خجل said...

لا مش حبه..دا انا كتير

حتى زودتلك الكومنتات..
يلا كنت عيزاها تبقى عدد فردي

12:20 PM  
Blogger خجل said...

اه بالمناسبه اصل تقريبا سمعت قبل كدا ان ربنا بيحب الاعداد الفرديه

ولا اضحك معايا ..سمعت النهارده ان في دعاء لصعود السلم

هأ هأ هأأأأأأ

12:21 PM  
Blogger ابن مصر said...

خجل
ماشي يا قمر صباحو اخضر ومكتوب عليه
in god we trust
:)

12:22 PM  
Blogger خجل said...

خلص مش تعلق تاني . بدي كون انا ف الأخر ..اسمع الكلام يا شطوري

12:27 PM  
Blogger shady said...

لاحول ولا قوة إلا بالله

7:41 AM  
Blogger أنا said...

سمعت الكلام يا اسد

8:36 AM  
Blogger ابن مصر said...

اسد اسد بس اعيش
هأأأأأأأأأأأأأووو

8:25 PM  
Blogger will said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

4:55 AM  

Post a Comment

<< Home

Free Website Counters