Thursday, September 15, 2005

بالووح والدم نفديك يا تحتمس

ليس بيني وبين السيد الرئيس اي ضغينة شخصية علي الاطلاق ..فالعبد لله لم يتحقق له شرف مقابلة السيد الرئيس او رؤيته شخصيا علي الاطلاق وانا هنا اعلنها علي الملا معرفش اي حد من المنوفية اطلاقا ومعرفش اصلا المنوفية دي بتتراح ازاي...والعبد لله قام بتعليق صورة سيادته علي حائط فصل 5 ابتدائي بناء علي توجيهات مييس بدرية التي اعتقد الان انها كانت مدسوسة عليا من الحزب الوطني ...بيننا وبين سيادته مجرد وقفات من باب العشم ...فالسيد الرئيس الذي دخل معترك السياسة من باب الصدفة البحتة والفضل كله يرجع لعم عبدو الذي قام برص الكراسي يوم 6 اكتوبر1981 فهو لم يجعل كرسي سيادته ملاصق لكرسي الرئيس المؤمن بالقدر الكافي وتسبب ذلك في خوض السيد الرئيس الحياة السياسية ووصوله لسدة الحكم واعتقد ان تاثير عم عبدو لايزل واضحا علي السياسة في مصر فلايزال الرص مش متظبط

بيننا وبين سيادته كما قلت مجرد وقفات من باب العشم ..تصور انك بتحترم واحد معين وتحس انه وقور وعلي درجة عالية من الادب والاخلاق وبعدين الراجل بفتح بقه وتلاقيه قاعد يشخر ويسب الدين وبعدين تعرف انه عشرتجي كبير ...حتحس طبعا بصدمة ودي بالظبط اللي حصل بيننا وبين السيد الرئيس مع الاختلاف في الاوصاف والتشبيه ...الصدمة الاولي حدثت عند تصريحه الشهير ان مافيش تنمية ولايحزنون بسبب ان احنا قاعدين نخلف ونجيب في عيال كتير وهنا تحول سيادته من حاكم يحكم علي اساس دستوري الي كشاف يعد الحيوانات المنوية بتاعت الناس ولما الشئ بالشئ يذكر فاعتقد ان احد الحيوانات المحيطة بسيادته اشار اليه بقول هذا التصريح الذي اثر بالسالب علي شعبيته سيادته......الصدمة الثانيه حكاية ان سيادته مكنش عايز يحكم البلد بس علشان مافيش حد يصلح علشان كده بس هو فالحكم وانه مش لاقي اي واحد يصلح ليكون نائب للرئيس وكلام من هذا القبيل ..والعبدلله يعتقد ان سيادته يطبق المثل البلدي الشهير ..عينه فيه ويقول اخيييي واو انه يقول هذا الكلام الاقرع من باب منع الحسد.....والرغم من ذلك فانا لا اخفي اعجابي بسيادته حيث استطاع سيادته ان يخم مستر ريجان وبوش الاب وعموكلينتون وحمادة بوش الصغير وايضا صداقته بالسيد الرئيس شاوشيسكو وكابتن منجستو وكل هذا بالطبع من اجل رفعه وسمو الوطن

ولو قدر لي في زيارتي القادمة لمصر ان اقابل سيادته في الشارع اوعالسكرية في كامب شيزار فسوف اسحب كل كلامي السابق واتحلي بروح اخلاق القرية واصرخ في نشوة عظيمة احا احو قال ايه عايزين يشلوه*......

*هتاف حوش الحزب الوطني ضد مظاهرة كفاية في شبرا

7 Comments:

Blogger Ahmed Shokeir said...

أنا شوفته ع الحقيقه

12:31 PM  
Blogger ابن مصر said...

متشوفش وحش يا حبيبي ..:)

10:33 PM  
Blogger shady said...

انا لو شفته بصراحه على الحقيقه اتمنى ان يكون معايا اى اله حاده
واعتقد انى ساكون بعدها بطل شعبى تحكى عنى النسوان لولدها فى ليالى الشتا الطويله
واكيد حدخل الجنه بدعا الملايين

12:25 AM  
Blogger ابن مصر said...

رووق يا ابو شادي ...الله يخرب عقلك ده امن دوله

...:)

7:33 PM  
Blogger La brize said...

انا دلوقتى عرفت ليه الناس قلقانه من ان جمال مبارك يتولى الحكم....اكيد عشان عم عبده السفرجى هو اللى بيرص الكراسى على سفره سيادته و بيخد باله اوى من كرسى جمال الابن

5:45 AM  
Blogger Haitham said...

وأخيرا لقينا السبب .. السبب عم عبده .. القدر كان ليه دور كبير أوى مع الملك مبارك .. قعد على الكرسي بالقدر ولزق في الكرسي بالقدر

8:33 AM  
Blogger ابن مصر said...

la brize

haitham
نورتوا يا شباب ....اه من عم عبده ده عايز يتشد من ودانه...:)

4:50 PM  

Post a Comment

<< Home

Free Website Counters