Sunday, August 07, 2005

After having a six pack

ملحوظة اكتشفتها ولقيت نفسي في حالة استعجاب شديدة يا جماعة انتم مش ملاحظين ان الراجل اسمه مبارك من البركة والمباركة ويمكن من الابراك والتاني اسمه نظيف من النظافة وطهارة اليد والحقنة التالتة اللي اسمه سرور من السرور والانبساط والعادلي من العدل!!!! و ابو الغيط بتاع الزراعة او الخارجية اهو كله واحد.... كاننا بنتفرج علي فيلم لميكي ماوس ...علي الحرام الناس دول بيشتغلونا لو فتشنا علي اسمايهم الحقيقية حنلاقي بلبل وعتريس وبرعي وابو شفة والعفش و بعدين الموضوع باين عليه عالمي مش محلي صدام من التصادم والصدامات اللي حطت علي دماغه وبوش جاية من بوش يعني شعر العانة والظواهري الله يخرب بيت اهله من ظهوره كل شوية علي شاشة الجزيرةوفهد اللي جاية من الفهد وهو حاجة كدة شبه مرات الاسد وملحوظة تانية باسمي ونيابة عن كل المصريين في الخارج اعارض ترشيح السيد الرئيس بلبل لفترة رئاسية خامسة وبنقول لسعادتة كفاية عليك كدة يا بلبل وملحوظة تالتة مش حشرب هينيكن تاني علشان تقيلة وطعمها وحش وبتخليني افكر افكار غريبة

11 Comments:

Blogger Zeryab said...

????????????

11:59 PM  
Blogger Hany Mihanny said...

انا معرفش ايه الهينيكن ...بس شكل دماغه كده متشجعش

11:12 AM  
Blogger ابن مصر said...

heineken
البيرة... كدة فضحتنا قدام الاجانب

10:04 PM  
Blogger AZ said...

مش كان كفايه عليك سبيرو سباتس ادى اللى بناخده من بيره الخواجات اشرب بقى يا حلو

3:46 PM  
Blogger ابن مصر said...

لا يا ختي انا عمري ماشربت سباتس دي انا اما كنت احب اعمل دماغ كنت اضرب ذبادي واشرب سينالكو
lol :)

7:50 PM  
Blogger AZ said...

يعععععععععععععع زبادى!!!!!!!!

1:25 AM  
Blogger ابن مصر said...

لا بقي حاسبي دا كنت بجيب اجدع زبادي من لبان عندنا في اسكندرية اسمه البقري زبادي مية مية مش زي بتاعة الوالدة المضروبة ...اقولك اية ملكيش في الطيب

7:14 PM  
Blogger sydalany-وش مكرمش said...

ما كنش لها لازمة البيرة في الموضوع

كان حلو على حاله

7:18 AM  
Blogger Mr-Biboooo said...

ملاحظه كويسه لكن قريتها قبل كده فى مدونه لزرياب بس هو مكنش شارب بيرة فى مدونه باسم عالم سمسم
لكن ده ميمنعش انى استمعت بمدونتك
بس ديه مش دماغ بيرة يا باشا

8:21 AM  
Blogger Hany Mihanny said...

مش كده وانبي...انا قلت ده من الاوال

10:09 AM  
Blogger ابن مصر said...

ماشي يا رجالة ..سعيكم مشكور
:)

7:31 PM  

Post a Comment

<< Home

Free Website Counters