الراي ...الراي
موسيقي الثورة ضد لولاكي واخواتها اكتشفتها اوائل التسعينات ..ديدي للشاب خالد كانت تجربتي الاولي لسماع شئ جميل جدا تندمج معه بسهولة بالرغم من صعوبة اللهجة و عدم معرفة بالظبط ماذا تعني الاغنية بالرغم من ذلك وجدتها قريبة من قلبي كانها شئ سحري اذكر والدي وتعنيفه لي انت بتسمع ايه ده واحد بيولول محبتش اقوله نفس الكلام علي فريد الاطرش ...موضوع جيل مختلف...وكعادتنا كمصريين نسخر من شئ نخاف منه او لانفهمه اخذنا نطلق النكات عن اغاني جميلة تتحدث عن الحب والغربة والهجر ومخلوق جميل اسمه المراةوعلي الشيخ الجليل عبد القادر الجزائري الذي اكن له كل احترام بعد معرفتي انه في فترة نفيه الي دمشق حاول بعض الجهلة الفتك بالنصاري واليهود من اهل البلدة فقام البطل عبد القادر الجزائري بحماية الاقليات واعلن رفض الدين لتلك الافعال الي ان رجعت المياه الي مجاريها ...الي الان لااعرف سر اعجابي بموسيقي الراي كانها في دمي كاني سمعتها من قبل ..اؤمن بالحياة الاخري يعني انا كنت موجود في زمن ومكان اخر في صورة اخري يمكن كنت واحد من الامازيغ الشجعان اوجندي من جنود هاينبال رايح معاه افتح الدنيا
posted by ابن مصر at 10:19 PM
5 Comments:
أبن مصر:
ممكن تقولي طريقه أقدر أرسلك بيها
الأميل بتاعي أهوه:"jevara_53@hotmail.com"
my email address is
sonofegypt@gmail.com
بخلاف أغنية خالد و فاضل و رشيد الهبله بتاع عبد القادر يا ابو علم
أيه علاقة الراى بعبد القادر؟؟؟
اتكلم اكتر عن الراى تحديدا، و بلاش عملية الخلط أن اى حاجة من الجزائر تبقي راى ، الراى مجرد موسيقيه اقليميه أخذت نصيبها من الشهرة و الابداع ، لكن هناك مئات الأنواع الموسيقية الاخرى في الجزائر
يا استاذ ابليس انا كلامي عن الراي ينبع من تجربتي الشخصية مش كلام عام عن الراي اعترف بجهلي بانواع الموسيقي الاخري في الجزائر اعترف بتفضيلي خالد علي الاخرين اما حكاية اغنية عبد القادر فانت كنت في الاول زيك باعتبرها اغنيه هايفة عبد القادر وعبد الحميد مين ؟ وبعدين عرفت موقفه في دمشق وفكرني ببعض الشيوخ الافاضل اللي بيكفروا الاخريين وعندهم مشكلة كبيرة ان الناس تقول لبعضها صباح الخير
يا عم إبليس، الراجل مقالش حاجة، ولا خلط ولا عمل، كل الحكاية إنه قال إنه سمع راى وعجبه، إحنا مش في معرض تنظير للموسيقى الجزائرية، اللي عارفين طبعاً إنها غنية وكبيرة، ومحدش كان قال إن الجزائر مفيهاش غير راى، ولو عندك مصادر كويسة عن الموسيقى في الجزائر عموماً، يا ريت مشكوراً تزودنا بيها
Post a Comment
<< Home