Sunday, October 30, 2005

يا ..حميمي

نقلا عن مدونة طق حنق نشرت النيويورك تايمز التي لا اقرأها مطلقا بالرغم من وجودي في نيويورك لا نها لا تحتوي علي صور سكس.. خبرا عن الدكتور ايمن نور ينص علي انه استلم قرص مدمج من مجهول يحتوي علي تسجيل محادثه حميمة حدثت بينه وبين زوجته ومع القرص تهديد بانه تعدي علي اسياده!! وان المرة القادمة سوف يكون التسجيل صوت وصورة.. بصراحة توقعت حدوث شئ من هذا القبيل ..فحكومتنا حكومة فاجرة لاتختشي ابدا.. والعبد لله بالرغم من ذلك لا يري اي ضرر في حكايةالمحادثات الحميمة التي تحصل تقريبا مع كل المتزوجين بل انا اجزم ان حتي السيد الرئيس حفظه الله لابد وحتما ان يكون له محادثات حميمة واستنباطها ليس بالصعوبة فالسيد الرئيس نشأ و ترعرع في قرية وحقل من حقول مصر الخضراء لذلك فالمحادثه حتما ستكون مشابهة للاتي
السيد الرئيس:سلامو عليكو
السيدة حرم السيد الرئيس:وعليكو السلام اهلا ياحاج
السيد الرئيس:الله هو القصر هس كده ليه.. امال فين حمادة وتوتو
السيدة حرم السيد الرئيس: العيال بره بيسلكوا امورهم اللي في البزنيس واللي في الحزب
السيد الرئيس:يعني احنا لوحدينا ....... يعني ممكن نطلعو طلعة جوية بتاعت زمان.. والله زمان زمان والله
السيدة حرم السيد الرئيس:يا راجل عيب اتلم... ايه... بعد اما شاب حيدخلوه الكتاب
السيد الرئيس:يا ولية شاب ايه بس مالشعر كله اسود اهوه يا دي النيلة... اقولك... انا رايح العب اسكواش احسن
السيدة حرم السيد الرئيس:اسمع ...نظيف اتصل عايز ياخد رأيك في حاجة مهمة
السيد الرئيس:نظيف ايه بس..... ايه الاسامي الغريبه دي ..يكونش مسيحي ...انا قولتلهم هاتولي واحد اسمه عاطف عشان انا بتفأل بالاسم ده قالولي مافيش... خلصو من البلد وعايز ايه سي نضيف ده؟
السيدة حرم السيد الرئيس:يا راجل انت معندكش اي فكرة عل بيجري في البلد.. الناس.. بتوع كفاية دول اللي عاملين قلق
السيد الرئيس: يا ولية انتي ملكيش في السياسة كفاية ايه وحرام ايه.. دول شوية عيال صويع ايه يعني اما 500 ولا 600 واحد يتظاهروا.. لولا ان المره اللي اسمها كوندي دي واخده بالها مننا دلوقت دا كنت عملت الهوايل .. المهم الملايين المشغولة بلقمة العيش والهم والخطة ماشية صح ..اشغل الناس عن حقوقهم وفرق بينهم وغلي عليهم الاسعار وخرب التعليم و التأمين الصحي و طلع واحد زي ابو كرش يلغوش علي الناس كل شوية ويجعلوه عامر
السيده حرم السيد الرئيس: انا عايزاك تظبط الواد كويس علشان لو حصلت حاجه يمسك بدالك علي طول
السيد الرئيس: بلاش تفويل...وبعدين انا شايف ان الواد لسه عظمه طري وده شعب نمرود ما داهية يديهم ديمقراطية بصحيح وبعدين انا قلت لسه مقررتش ..وانتي عارفة انا كلمتي واحدة متنزلش الارض ابدا
السيدة حرم السيد الرئيس:حسني..!!!!
السيد الرئيس:حتنزل المرة دي
------------------------------------------------------------------------------------------------
قال صلاح عبد الصبور رضي الله عنه وعنا جميعا
الحلم جنين الواقع
اما التيجان فانا لااعرف صاحب تاج الا الله
والناس سواسية عندي.. من بينهم يختارون رؤوسا ليسوسوا الامر
فالوالي العادل قبس من نور الله
اما الوالي الظالم فستار يحجب نور الله عن الناس
كي يفرخ تحت عباءته الشر ..هذا قولي يا ولدي

8 Comments:

Blogger shady said...

عصابة حيكون اسلوبها اذاى غير الاساليب الوسخه دى
طبيعى لما يحكم حرامى يكون الصراع السياسى فى غرف النوم

9:38 AM  
Blogger Ahmed Shokeir said...

هاها .. أنا إفتكرت فى الأول إن النيويورك تايمز هى اللى بتنقل عن طق حنك .. قلت ياه إيه العالمية دى كلها
وبعدين النيويورك تايمز مليانة صور بس مين اللى يحس
أما الحوار فشككنى إنك يابنى فىأمريكا .. ده إنت زى ماتكون معانا

ألو .. ألو
يظهر حد دخل فى الخط

5:09 AM  
Blogger citizenRagb said...

هههههههههه
يابن الايه

بس يا تري الرئيس بيستخدم فياجرا؟

2:10 PM  
Blogger dody13 said...

الريس طلع جامد اوى واحنا مش حاسين

5:06 PM  
Blogger ابن مصر said...

shady
ابصم بالعشرة علي كلامك يا باشا
ahmed shokeir
حمد علي السلامة يا حاج ..محسوبك يا بو حميد قضي 24 سنة من عمره متشعلق في الاتوبيسات وبيشيش علي القهاوي وبيضرب فول بالستق عند صواريخ في باب واحد في الجمرك ..مصر دي في دمي .حاولت انساها معرفتش ..اما بتسأل هنا انا منين؟ بقول مصري ..واللي مش عاجبه يضرب دماغ امه في الحيط
وايه حكاية حد دخل في الخط دي انت حتروشني ليه؟
:)
citizenragb
انا معرفش سيادته بياخد فياجرا والا لا انا كل اللي اعرفه ان سيادته بقاله 24 سنة قايم بينا كلنا. فاكيد سيادته بياخد حاجة
dody13
من حقك يا كابتن تقول كده مانت رحت انتخابته..مش حانسالك الفيلم ده ابدا

علي فكرة في اتنين هنا راحوا عمرة السنة دي اللي يطلعهم له 75 قرش
:)

8:16 PM  
Blogger Mr-Biboooo said...

مش عارف ليه اتخيلت الريس بالبجامة الحمرا

عموما على رايك واحد بقاله اربعة وعشرين سنة مبلط هيحتاج فياجرا ليه

8:52 AM  
Blogger ابن مصر said...

استاذ بيبووووووو

سيادته في بيجامه حمرا ...حرام عليك طيرت الحجيرين من نافوخي

5:20 PM  
Blogger will said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

4:55 AM  

Post a Comment

<< Home

Free Website Counters