Tuesday, February 07, 2006


الحكومة الخايبة وقواتها المشلحة التي قدمت لنا من قبل نكسة 76 واختها الصغري ثغرة 73 هم مسؤلون مسئولية كاملة عن مذبحة السفينة المنكوبة وكالات الانباء الاجنبية تتحدث علي ان الامريكان والانجليز عرضوا فور وقوع الحادث ارسال سفن لهم كانت في المنطقة للمساعدة في انقاذ الغارقين لكن رفضت مصر السماح لهم اولا ثم عادت بعد ذلك وطلبت المساعدة بعد فوات الاوان وبالفعل قامت طائرة بحرية بريطانية بجهود الانقاذ ...وصلت سفن الانقاذ المصرية لمكان السفينة بعد10ساعات كاملة من غرقها!!!!!!!!!!!!!!!!احد الناجين يتحدث ان الطائرات الهليكوبتر كانت تحوم فقط فوق رؤوس الناس الذين كانوا يصرخون بدون تقديم اي مساعدات انقاذ لهم..... اخر استطاع ان يعوم 3 ساعات حتي عثر علي قارب مطاطي طفي فوقه 18 ساعة كاملة حتي تم العثور عليه والقائمة كثيرة بمأسي توجع القلب... سفينة متهالكة تديرها شركة فاسدة يرتبط اصحابها بالطبع بالنظام الحاكم والا ماكان اعطي لهم التصريح بالخط البحري.. عاما تغرق السفن لاسباب عدة ..عطل فني ..حريق ..سوء احوال جوية..لكن ما حدث بعد ذلك هو قمة المأساة .كما هو واضح ليس هنالك اي خطة للانقاذ وببساطة شديدة تركوا الناس يموتوا ..القوات البحرية التي تظهر فقط في افلام التلفزيون الوهمية ارسلت سفن الانقاذ بعد عشر ساعات كاملة لان عسكري ورق غطت النياشين الفالصو مؤخرته لم يكن لديه الجرأة لايقاظ رئيسه لاخباره بالمصيبة ولا يملك اي مقدرة علي الادارة..تركوا الناس الطيبة صعايدة فلاحين غلابة فقرا جدعان تموت وتغرق لان المصري لا قيمه له في بلده لان المصري لا يملك الا ان يضرب ويهان ويسخر منه ...والتعويض ..5 الاف دولار..هل تتذكروا كم دفع المعتوه القذافي لاقارب ضحايا طائرة لوكربي؟...هل تعلمون حجم التعويضات التي دفعتها امريكا لاقارب ضحايا مركز التجارة العالمي؟؟ ملاييييين الدولارات.... اما المصري فلا يساوي اكثر من 5 الاف دولار .. قتلوا الف انسان الف حكاية في تعمد واضح.. حتي متي تمارس ضدنا هذه التفرقة؟حتي متي تنتهك اعراضنا وحقوقنا ؟وحتي متي نموت كالنعاج؟...وبمناسبة موضة حرق الاعلام والتبول عليها التي يصمم عليها البعض ...علي اليسار علم القوات المشلحة سبب نكبتنا الكبري ..وقال ايه كانوا عايزين يرفعوه علي تل ابيب؟؟؟؟......

17 Comments:

Blogger aggressive said...

your absolutely right. Armed forces are biggest bribed organization in the country. Remember what Gamal Hamdan Said "Egypt ruled by armed forces and men of religion". I think this is precisly the two major factors in the catastrophes we live each day.

2:21 AM  
Blogger Taher said...

عملو اتصال مع الراجل صاحب العبارة فى البيت بيتك وكان هاله سرحان اللى بتكلمه
فبتقوله انت بتتهرب من المواجهة
قال انا راجل عملى انا حدفع لكل واحد 150000 جنيه تعويضات

2:01 PM  
Blogger sph1nx said...

صباح الفل يابن مصر عبارة ايه و بتاع ايه الشعب مشغول دلوقتي بفرحة النصر على السنغال
ماتحولش ماعدش ينفع صدقني

3:36 PM  
Blogger shady said...

صاحب الشركه عضو مجلس شورى معين
رجال مهم بالنسبه لنظام بيخلصوا من همومه
طردوا الناس من منطقة المينا علشان كانوا بيدهنوها علشان الريس جاى
تخيل هههههههههه

4:19 PM  
Blogger Ahmed Shokeir said...

الفساد السلبية الإنهزامية والغباء والفقر

كل دول كانوا أسباب غرق العبارة وسقوط العمارة ... وحريق قطر الصعيد ومسرح بني سويف .. واللستة مليانة ولسه كمان طالما العوامل اللي فوق دي موجودة .. واهمها الغباء

4:08 AM  
Blogger حــلم said...

العبارة دى ركبها ناس معارف من عشر سنين فى رحلة فى البحر الابيض
وكانت وقتها بتطلع فى الروح

وبعد ما استهلكت تماما
جابوها لخط الغلابة فى البحر الاحمر
حاجة كدة زى بيجو المحافظات

مين بقى سايب دة كله يحصل
يا عزيزى الدرج مفتوح

7:28 PM  
Blogger rubyeldaly said...

قهرتنى اوى اكتر ما انا مقهورة وراى من راى احمد شوكير
فعلا الفساد والسلبية والغباء حيودونا فى 60 داهية
ربنا يستر

9:03 PM  
Blogger ابن مصر said...

aggressive
taher
sph1nx
shady
الحاج احمد شقير
حلم
rubyeldaly

انا مخنوق .. الحكومة معفنة والجيش مضيع والناس بتموت برخص التراب ..طب نعمل ايه؟؟

1:58 AM  
Blogger sph1nx said...

نعمل ايه هو ده المهم راي ان احنا نحاول تكثير عددنا و تحويل انفسنا الى حزب سياسي ليبرالي هو ده الطريق للتغيير و مافيش طريق تاني او نستنى الشخص الأسطوري او ما اسميه الدكتاتور الذكي زي جمال عبد الناصر او هتلر او ستالين اللي هيستولي على الحكم و يفرض علينا مبادئه اللي بيتكون في غالبيتها مريضة

6:21 AM  
Blogger sph1nx said...

وبعدين يابن مصر انا رأيي ان المصريين في امريكا في ايدهم كتير ليه مابتنظموش نفسكم و تبقوا قوة في المجتمع الأمريكي زي اليهود و بعدين على المستوى الداخلي ليه كل مايستضيفوا ناشط عربي في امريكا اكتشف انه شامي مع ان عدد المصريين في امريكا على مااعرف اكثر من اي جالية عربية اخرى انا بحزن فعلا لما بلاقي ناس مصريين في امريكا من نوعية محمد الجزار اللي جابوه في برنامج في المستقبل بعد 11 سبتمبر مابيعرفش انجليزي و عايش باظبط كأنه في حي عشوائي بمصر طب انت رايح امريكا تهبب ايه بروح امك ماتسيب الفرصة لغيرك من المثقفين اللي ممكن يضيفوا للجالية العربية في امريكا
قوة الجالية في امريكا هتنعكس على الشعب في مصر

6:30 AM  
Blogger ابن مصر said...

sph1nx
حكاية الديكتاتور العادل دي اثبتت فشلها من زمان وخد بالك ..ان نعمة من عند ربنا ان عم الحاج بتاعنا
معندهوش كاريزما ولايحزنون..وحكاية الحزب اليبرالي اعتقدد حزب الغد كان نواة لذلك لكن للاسف تم اجهاضه
امريكا يا سيدي للاسف من مصلحتها (مش عارف ليه) ان تتعاون بالذات في الشرق الاوسط مع انظمة دينية او شيه دينية بعكس اوروبا الشرقية اللي مليئة الان بانظمة حكم ديمقراطية بتشجيع من امريكا يمكن خوفا من قيام انظمة حكم شرق اوسطية اشتراكية تعيد توزيع منابع النفط(راجع فنزويلا مثلا

7:31 PM  
Blogger ابن مصر said...

مأمون فندي بيطلع هنا كتير علي قنوات الكابل وبيتكلم انجليزي كويس جدا وارائه مطابقة لاراء الغرب كتير يمكن عيبه انه محسوب علي الحكومه

7:34 PM  
Blogger rubyeldaly said...

لاسف يا ابن مصر هى دى حتفضل مصر ومش حتتغير ابدا الا بحاجتين بتغير الجيل باكملة وظهور جيل ناضج يعرف يعنى ايى شعب ويعرف يعنى اية مصر وبتغير كمان رئيسها بس المشكلة بقى ان دول كلهم زى بعضهم اصل العيب يا جماعة مش فى الشعب العيب فى اللى ماسكين الشعب والبلد المظلومة دى
ربنا معانا ان شاء اللة

9:39 PM  
Blogger Ayyam said...

Ibn Masr
Sorry! the comment is too late but I felt that I could add something!
I like your article commenting on the sinking of Egyptian ferry. I share you the grieve of loosing these poor souls in a terrible tragedy like this.

I was so sad but certainly not surprised! Remember in the army they told us with a single sentence on a dirty piece of paper we can bring 10000 soliders!!! I felt so bad at that time for the level of appreciation that we are measured with. So I am not surprised! When we have a country running up like that, you should expect the worse. This is our sad reality that some of us, like me, you and many other never want to submit. I remember in summer of 1997 one Qatari newspaper reported that our president, standing up for his right of free speech of course, said “this Egyptians are lazy and lousy people, they want to eat and sleep”! Yes, thank you mister president for enlightening us with your thoughtful wisdom.

Now how come that we created this mess! Who brought this giant ass to power. Who stuck us in the mud. Is it the government? Or the people? Or may be both! We may differ in answering this but the fact is, we are our own worse enemy! We created this whole thing which shouldn’t have been in Egypt? How come a nation like us with such a great history, resources and manpower ends up like a real banana republic? How come this whole world is moving on with human civilization and we are lagging behind or rather frozen in history! I think the answer is fear!…Fear and intimidation are the biggest problem that settled deep in our culture. This has been well practiced on government level to even the family members. With fear and intimidation we became what we are right now! Afraid to live, to try, to oppose, to speak,…etc. Both, the government and us are to blame for creating this sad reality! We blame the government system when people are treated like cattle, when system insist on killing their sprits and terrorizing anyone opposing to them. We blame ordinary Egyptian because they accepted this situation without resistance! There is always time for them to be happy about a stupid football game like the latest win on Senegal but there is no time to stand up against a crime committed against our own people. At least they could voice their anger and say we must bring people responsible for letting 1000 people to die, in a water infested with sharks and barracuda.

On the other hand, I still see some hope that we can turn around this misery someday! How! Well that depends on how willing are we combating our fears! Let us teach our children, colleagues, and anybody that we know of, not to fear not to exercise intimidation on each other. With this we can bring decency back to people. This can happen someday in the near future, I hope. It will be then the dawn of new Egypt. Free Egypt will be then for all Egyptians not only for the government and their stupid dogs of power.

11:28 AM  
Blogger Yasser_best said...

تحياتي, سعدت بمطالعة مدونتك وأفكارك الجديدة التي تحمل بصمة شخصيتك
يسعدني أيضا أن تطل عيناك وعقلك على مدونتي الجديدة جدا
قبل الطوفان
http://yasser-best.blogspot.com/
ياسر ثابت

4:48 PM  
Blogger محمود عمر said...

This comment has been removed because it linked to malicious content. Learn more.

5:09 PM  
Blogger Borsa said...

الف شكر علي هذه المدونه الراااااااااااائعه

مشاهدة مباراة انجولا ومالي
مشاهدة مباراة الجزائر ومالاوي
مشاهدة مباراة مصر ونيجيريا
مشاهدة مباراة تونس وزامبيا
مشاهدة مباراة كوت ديفوار وغانا
مشاهدة مباراة الجزائر ومالي
مشاهدة مباراة مصر وموزمبيق
مشاهدة مباراة تونس والجابون
مشاهدة مباراة الجزائر وانجولا
مشاهدة مباراة مصر وبنين
مشاهدة مباراة تونس والكاميرون

8:42 PM  

Post a Comment

<< Home

Free Website Counters