بكيني ولا برقيني؟ تعاللي يا امه وغطيني
الاخت اديبة نابلسي تعيش في استراليا مع عائلتها ووفقا لجريده هيرولد صن الاسترالية تلبس الاخت اديبة مايسمي البرقيني علي وزن البكيني وهوعبارة عن زي يسمح لسيادتها بالعوم والبلبطة مع اطفالها في حمام سباحة مختلط والزي من تصميم مصممة ازياء تصمم علي ان الزي هو بكيني اسلامي ويمكن الحصول علي الزي عن طريق موقعها علي الانترنت انتهي الخبر اخذت بعد القراءة بهرش مؤخر ..اقصد دماغي في محاولة لفهم الموضوع الغريب لانه حسب علمي يعوم معظم اهل استراليا بلابيص كما ولدتهم امهاتهم ..تصوروا حضراتكم الاخت اديبة تعوم بهذا الزي العجيب وسط مجموعة من النساء التوبلس ... لذلك لا استطيع امنع نفسي من التفكيربأن ما تقوم به الاخت اديبة هو التخريب بعينه وبعد تدقيقي في الصورة جيدا صدق حسي فيبدو ان الاخت اديبة بلباسها (هنا اللباس بمعني الزي) العجيب كانت تعبث في البسين مثلما كنت افعل وانا طفل صغير وتذكرت علي الفور تأنيب امي الذي يصلح للاخت اديبة ..عيب ...الناس اللي بتعوم دي ذنبها ايه
posted by ابن مصر at 7:51 PM
18 Comments:
ماتسيب الست تبلبط مع ولادها
كل واحد حر يبلبط زى ماهو عايز
الله هو انا يعني ماسكها!!!!
:)
ياسيدي هي حرة ،تلبس بكيني..تلبس برقيني ، هي حرة؟
السؤال هنا مش هي دي حريتها زي ما حرية التانية انها تلبس بكيني ؟
اللى مش عاجبه النظام يطلع برا فى سلام
صحيح دى حرية
لكن انا ضد انها تخترع ملابس للبحر وتقول اسلامية
احنا ناقصين تاليف
شكرا عزيزى ابن مصر على المشاركة
وفقنا الله لما فية الخير
مع خالص تحياتى
ههههههههههههههههههههههه
ياعم يعنى هى لازم تكون زيهم
بس حلوه حكاية برقينى دى
صباحو قشطة
انا معنديش مشكلةان الست اديبة تلبس اللي هي عايزها بس في مثل بيقول ه
you have to play by the rules
يعني في الموضوع ده لو الناس حواليا لابسين مايوهات لازم البس مايوه اواشوف حته تاني خاصة ان شاء الله اعوم فيها وانا لابس حتي شوال بصل. الموضوع ان الغربيين ينظروا الي اجسادهم كشئ عادي جدا ثقافتنا وثراثنا البطيخي تنظر الي الجسد علي اساس انه عورة بالظبط مثل الشئ الذي يوجد تحت السرة بصراحة نحن نعيش في واد يختلف عن واد الاخرين المؤسف ان تأتي الاخت اديبة بمحاولة لفرض زي البحر الغريب علي الاخرين في بلدهم انا نفسي لو كنت اعوم بجانب الاخت اديبة سوف اصاب بصدمة فما بالك الغريب...قيل قديما لايقدر احد ان يخدم سيدين يعني يا نلبس مايوه وسط الناس اللي لابسين مايوهات يا بلاها عوم من اصله.....علي فكرة حد خد باله ان اديبة كانت بتتشاقي في الميه والبرقيني
قفشها
:)~
اه يا ناري منك...و البرقيني مضايقك في ايه يا لئيم:)...مش عارف ليه شاكك في نيتك:)...واحشني يا مان صباحك زي الفل
ياعمونا : انا معترض معاك علي موضوع سلو بلدهم انهم بيلبسوا مايوهات !
هو مش المفترض أن الحرية الحقيقية أن كل واحد يعمل اللي عايزة ، طالما نطاق الحرية ده عليه فقط ؟
ماهو لو بالمنطق ده يبقي السياح اللي بيجوا مصر المفترض ما يلبسوش مايوهات ؟
طبعاً أنا ضد النظرتين من أصله ، كل واحد يلبس اللي يعجبه ، واللي مش عاجبه هو اللي يسيب المكان ، ده سواء للأخوة بتوع المايوه الشرعي أو الرفاق -حلوة الرفاق دي - بتوع البكيني و مايوه ورقة التوت
في حل تاني
لو فئة من الاتنين متضررة أوي كده ، وحصلها إنبثاق لعرق التقزز فوق الحواجب ، تبقي تعمل مكان مخصص لها ، وأي حد يخالف قوانينهم يستحق الضرب بالبلغ ، لأن ده مكان خاص وعندك الامكان العامة اللي كل واحد فيها علي مزاجه
منور يا كريم
with myself
اديبة مش لابسة مايوه لية؟ ممكن نقول علشان سبب ديني.صح ..اوكية لو علشان سبب ديني مفروض اصلا متعمش مع ناس غرب وتختلط بحد في الماء لكن المشكلة حكاية الرقص علي السلم ومسك العصا من النص عايزه تعوم ومتعمش في نفس الوقت مينفعش... لابد من الاختيار
لكن الحاجات الغريبة دي بتخلي الناس تتضحك علينا الاول وبعدين ينظروا لنا بنظرة دونية علي اساس ان احنا متخلفين وبعدين بالتالي يتم تهميشنا وبعد ذلك نجري نعيط ونقول هو الغرب بيكرهنا ليه ؟؟؟ بيكرهنا من العمايل دي
فاكرة نفسها فى جمصة
برضه ياعمونا من حقها تلبس اللي هي عايزاه ، الحرية لا تتجزأ !
إعتبرها يأخي موضة جديدة ، كنت ناوي أكمل كلام بس للأسف وقتي ضيق وكان لازم أرد عليك ع السريع :)
تحياتي (F)
with myself
يا سيدي شكرا علي متابعتك وكل سنة وانت طيب وعلي فكرة الاخ او الاخت خرشوفة جاب المفيد
:)
صباحو بالشوربة المغطاة بقطع الضاني
الموضوع ان الغربيين ينظروا الي اجسادهم كشئ عادي جدا ثقافتنا وثراثنا البطيخي تنظر الي الجسد علي اساس انه عورة بالظبط
السم في العسل تاني
ياسيدي موضوع العورة دي حددها الدين مش التراث ياعم المفتي
أما الرقص على السلم ف أنا ضده تماما و متأكد إن اللي عملته الست دي غلط جدا و حرام
و أديك خليت الكلاب يتكلموا
لا مؤاخذة يا
sph1nx
و حكاية السبانيش ده موضة ما لوش دعوة بدين و اللي بتلبسه بتضحك على نفسها و ع الحمار اللي في البيت اللي سايبها تخلط الحرام بالحلال تحت مباركة بيوت الأزياء و كارهيييين الإسلام
بص هو انا لما قريت قولت وايه يعنى ماتعمل اللى هى عايزاه وانت مالك يا اخى
بس بعد مافكرت
انت عندك حق هى ماسكة العصا من النص
عايزة تعوم وعلى مزاجها
ولو هى برضه عايزة كدة طب مافى اختراع اسمه حمام سباحة فى ابيت او يا سيدى فى حمامات سونة للسيدات
وعلى رايك (الناس زنبها ايه(
سلام عليكو ياجماعة
هو ايه الموضوع؟
سلام عليكو ياجماعة
عو ايه الموضوع؟
انا مش فاهم انت زعلان من ايه ومعترض على ايه
ما هى حرة تلبس اللى تلبسه تعوم عريانه
هو فرض بدل الناس بتعوم عريانه ازم اعمل زيهم
طيب ما ممكن تكون مع ناس تشرب خمرة وهى عاوزه برتقال هتعارض حضرتك وتقول تشرب زيهم خمرة
Post a Comment
<< Home